གསོ་རིག་གླིང་དྲ་ཚིགས་འདི་ནི་མི་ན་བ་གནས་པ་དང་ན་བ་གསོ་བའི་དོན་དུ་འཛམ་གླིང་གི་གསོ་རིག་སྤྱི་དང་སྒོས་སུ་བོད་ཀྱི་གསོ་བ་རིག་པའི་བགྲོ་གླེང་གི་སྟེགས་བུ་ཞིག་ཡིན། དེ་ཡང་གསོ་རིག་ཆེད་ལས་པ་གྲོགས་པོ་སྐོར་གཅིག་གིས་དུས་རབས་གསར་པའི་ཆ་འཕྲིན་གྱི་དགོས་མཁོར་དམིགས་ཤིང་། བོད་ཀྱི་གསོ་བ་རིག་པའི་བསྟན་པ་འཛིན་སྐྱོང་སྤེལ་གསུམ་གྱི་ཆ་རྐྱེན་དུ་འགྲོ་བའི་ཀུན་སློང་རྣམ་དག་གིས་བཏོན་པའི་གླེང་སྟེགས་ཤིག་ཡིན།
The present Sorig Ling net-work is a platform for the sick people and for their medical treatment in general and a platform for Tibetan medicine in particular. This net-work is started by some of the friends who have specialised in this field and is mainly focused in accordance with the 21st century needs and facilitate spread and development of of Tibetan Medicine and astrology
འབྲེལ་གཏུགས་བྱེད་ས། Contact
tsedegang@yahoo.com
དཀར་ཆག
དྲ་ཐག
  • ༄༅།། བལ་ཡུལ་ལུམ་བིའི་ནི་ཆེས་མཐོའི་གཙུག་ལག་སློབ་གཉེར་ཁང་གི་ངོས་འཛིན་ཐོབ་པའི་རྒྱལ་སྤྱིའི་གསོ་བ་རིག་པའི་གཙུག་ལག་མཐོ་སློབ་སྡེ་ཚན་དུ་སྨན་དགེ་གཉིས་གསར་བསྡུ་ཞུ་རྒྱུ་ལགས་ན། གཤམ་གསལ་ཆ་རྐྱེན་ལྡན་རིགས་རྣམས་སྤྱི་ལོ་ ༢༠༡༦ ཟླ་ ༢ ཚེས་ ༢༩ ནས་མ་འགྱང་པར་རྒྱལ་སྤྱིའི་གསོ་བ་རིག་པའི་ངེས་སྟོན་པའི་མཚན་ཐོག་སྙན་ཞུ་འབུལ་དགོས།   ཀ༽ སྨན་དགེའི་ཤེས་ཚད།   ༡། ལོ་གསུམ་གསོ་བ་རིག་པའི་སློབ་ཁྲིད་ཀྱི་ཉམས་མྱོང་ངམ། ཚན་རིག་དང་ནང་ཆོས་ཀྱི་རྨང་གཞི་ཡོད་པ། ༢། ཚད་ལྡན་གསོ་རིག་སློབ་གཉེར་ཁང་ནས་སློབ་མཐར་ཕྱིན་པའི་སྨན་པ། སྨན་རམས་པའི་ཤེས་ཚད་ལག་ཁྱེར་ལྡན་ན་ཚངས་རྒྱུགས་ནང་བརྒྱ་ཆ་ཉི་ཤུ་འཕར་མ་འབུལ་རྒྱུ།   ཁ༽སྨན་དགེའི་གཞི་རྩའི་ཆ་རྐྱེན།


    གསོ་རིག་གླིང་།   སྤྱི་ལོ་ ༢༠༡༦ ཟླ་ ༠༢ ཚེས་ ༠༢ ལ།     སྡེ་ཚན་ གསར་འགྱུར།   མཆན་ ༠ བཀོད་འདུག
  • ༄༅།།ལྷ་ལྡན་སྨན་རྩིས་ཁང་དབུ་བརྙེས་ནས་ལོ་བརྒྱ་འཁོར་བའི་རྒྱལ་ཡོངས་བོད་ལུགས་གསོ་རིག་རིག་གཞུང་གྲོས་ཚོགས་ཀྱི་རྩོམ་བསྡུའི་གསལ་བརྡ། རྒྱ་ཆེའི་བོད་ལུགས་གསོ་རིག་མཁས་དབང་དང་མཆེད་གྲོགས་ལྷན་རྒྱས། འཛམ་གླིང་སྲོལ་རྒྱུན་གསོ་རིག་གི་ཏོག་ཏུ་རྒྱན་པའི་རང་རེའི་བོད་ཀྱི་གསོ་བ་རིག་པ་འདི་ཉིད་ནི་སྔོན་བྱོན་མེས་པོའི་རྣམ་དཔྱོད་ཀྱི་རྩལ་ལས་འཁྲུངས་ཤིང་ད་བར་སྐྱེ་འགྲོའི་ལུས་སེམས་བ དེ་ཐང་ཐད་ཆེས་བླ་ན་མེད་པའི་ལེགས་སྐྱེས་བསུབ་ཏུ་མེད་པ་ཕུལ་ཡོད། དེང་འདིར་ལྷ་ལྡན་སྨན་རྩིས་ཁང་ཉིད་དབུ་བརྙེས་ནས་བགྲང་བྱ་བརྒྱ་ཧྲིལ་པོ་འཁོར་བའི་བཀྲིས་རྟེན་འབྲེལ་གྱི་དུས་བཟང་འདི་དང་བསྟུན་ནས། གཅིག་ནས་སྨན་རྩིས་བསྟན་པའི་གླིང་འདི་ཉིད་ཀྱི་ལོ་བརྒྱའི་འཁྲུངས་སྐར་ལ་བཀྲིས་རྟེན་འབྲེལ་ཞུ་ཆེད་དང་། གཉིས་ནས་རྒྱལ་ཕྱི་རྒྱལ་ནང་གི་བོད་ཀྱི་སྨན་རྩིས་བསྟན་པའི་རིག་གཞུང་ལྟ་བ་དང་བསམ་བློ་བརྗེ་རེས་ཀྱིས་ཁྱོན་ཡོངས་ནས་སྨན་རྩིས་བསྟན་པའི་གོ་འཕང་བླ་རུ་འདེགས་པ། གསུམ་ནས་བོད་ཀྱི་སྨན་རྩིས་བསྟན་པའི་བྱ་གཞག་འདི་ཉིད་སྔར་བས་ལྷག་པའི་སྒོ་ནས་འཕེལ་རྒྱས་ཀྱིས་རྒྱ་ཆེའི་འགྲོ་བ་ནད་པ་རྣམས་ལ་ཕན་བདེ་རྒྱ་ཆེན་སྐྲུན་ཐུབ་པ་སོགས་ཀྱི་དམིགས་པ་གཙོ་བོར་བཟུང་སྟེ། སྤྱི་ལོ་༢༠༡༦ལོའི་ཟླ་༩པར་གནའ་བོའི་གྲོང་ཁྱེར་ལྷ་ས་རུ་རྒྱལ་སྤྱིའམ་རྒྱལ་ཡོངས་རང་བཞིན་གྱི་བོད་ལུགས་གསོ་རིག་རིག་གཞུང་བགྲོ་གླེང་ཚོགས་འདུ་ཞིག་གཟབ་རྒྱས་ངང་བསྐོང་ཚོགས་བྱ་རྒྱུ་ལ། ཆེད་མངགས་འབྲེལ་ཡོད་ནང་དོན་ཁག་ལ་གསལ་བརྡ་ཞུ་རྒྱུ་གཤམ་གསལ་ལྟར་ཏེ།


    གསོ་རིག་གླིང་།   སྤྱི་ལོ་ ༢༠༡༦ ཟླ་ ༠༢ ཚེས་ ༠༡ ལ།     སྡེ་ཚན་ གསར་འགྱུར།   མཆན་ ༠ བཀོད་འདུག
  • ༄༅། །ཕྱི་ལོ་ ༢༠༠༨ ཟླ་ ༡༠ ཚེས་ ༢ ཉིན་ལྡི་ལིར་སྲོག་གཅོད་ནད་ཀྱི་ཟིན་པའི་ནད་པ་དང༌། འཆི་འགྲོ་བའི་ནད་པར་སྨན་བཅོས་ཀྱི་ཆ་ཤས་ཇི་ལྟར་ལེན་དགོས་མིན་སྐོར་གྱི་བགྲོ་གླེང་ཚོགས་འདུར་སྨན་རམས་པ་པདྨ་རྡོ་རྗེའི་གཏམ་བཤད་ཀྱི་མ་ཕྱི། ༡། ནད་མེད་པའི་གོ་དོན། ལུས་འདིའི་ཉེས་པ་རླུང་ལྔ་དང༌། མཁྲིས་པ་ལྔ། བད་ཀན་ལྔ། ལུས་ཟུངས་བདུན། དྲི་མ་གསུམ་བཅས་ཉི་ཤུ་རྩ་ལྔ་པོ་དེ་ཀུན་ཁ་ཟས་ཀྱི་རོ་དང་ནུས་པ་དང་སྤྱོད་ལམ་རྣམ་པ་གསུམ་པོ་དམན་ལྷག་ལོག་པ་དང་བྲལ་བས་ཉེར་ལྔ་པོ་དེ་དག་ཐམས་ཅད་རང་རང་གི་ལྡང་ཚད་བཞིན་ཆ་མཉམ་པར་གནས་པར་བྱེད་ལ། དེ་རྣམས་མཉམ་པས་ལུས་ཀྱི་སྟོབས་དང༌། གཟི་མདངས། ཚེ་རྣམས་འཕེལ་བར་འགྱུར་རོ།། རྣམ་པར་མ་གྱུར་པའི་ལུས་མི་ན་བར་གནས་ཤིང༌། ཟས་སྤྱོད་ཚུལ་བཞིན་དུ་བསྟེན་པའི་མི་ན་བ་ཡུན་རིང་དུ་གནས་པར་བྱ་བས་སྒྱུ་རྩལ་དང་རིགས་ལུང་སོགས་བྱེད་པ་དང༌། ཚེ་རིང་བར་བྱེད། འབྲས་བུ་ནི་གནས་སྐབས་ལྷ་མིའི་ཆོས་ལུགས་ཀུན་ཤེས་པ། ཟང་ཟིང་དང་འཕགས་པའི་ནོར་གྱིས་ཕྱུག་པ་སོགས་ཚེ་འདིར་སྐྱིད་པ་དང༌། མཐར་ཐུག་བླ་མེད་གི་གོ་འཕང་ཐོབ་པ། འདི་དང་གཏན་གྱི་བདེ་བ་ཕུན་སུམ་ཚོགས་པ་ངང་གིས་འབྱུང་བ་བདེ་བའི་འབྲས་བུ། མཐོ་རིས་དང་ཐར་པ་ཐམས་ཅད་མཁྱེན་པའི་གོ་འཕང་བདེ་བླག་ཏུ་ཐོབ་འགྱུར་གྱི་དོན་ཡིན་པས་དེ་ལྟར་འབྲས་བུ་གསུམ་ནི་དངོས་སུ་ནད་མེད་ཐ་མལ་དུ་གནས་པ་རྣམས་ལ་གསུངས་ཤིང༌། ཤུགས་བསྟན་དུ་ལུས་མི་ན་བར་ཡུན་རིང་དུ་གནས་པར་བྱེད་པ་པོའི་སྨན་པ་རྣམས་ལའང་གྲུབ་པ་ཡིན་ནོ།།


    གསོ་རིག་གླིང་།   སྤྱི་ལོ་ ༢༠༡༦ ཟླ་ ༠༡ ཚེས་ ༣༠ ལ།     སྡེ་ཚན་ གཞུང་ལུགས།   མཆན་ ༠ བཀོད་འདུག
  • – སྨན་པ་ཚེ་རིང་མཚམས་གཅོད། ཆེད་ལས་རྒྱུན་ལས། གསོ་རིག་སྨན་པའི་ལྷན་ཚོགས། ཀ དགོས་དམིགས། སྔར་ཆོས་རྒྱལ་རིམ་པའི་སྐུ་དུས་སུ་བོད་ནང་ཕྱི་ནང་མི་རིགས་ཀྱི་སྨན་ལུགས་མཁས་པ་མང་པོ་གདན་ཞུས་བསྡུས་འཛོམས་ཐོག་དཔྱད་ཞིབ་ཀྱིས་གསོ་རིག་དང་འབྲེལ་བའི་བསྟན་བཅོས་མང་པོ་བརྩམས་ཞིང་། ལྷག་པར་རྒྱ་བལ་གཙོས་ཁྱིམ་མཚེས་ཡུལ་གྲུ་ཁག་གི་རིག་གཞུང་ངོ་སྤྲོད་དང་། གསོ་རིག་ཤེས་ཡོན་བརྗེ་ལེན་གྱིས་གཞུང་ལུགས་མང་དག་ཅིག་བོད་སྐད་དུ་བསྒྱུར་ཡོད་པ་ལོ་རྒྱུས་ཁག་ཏུ་གསལ། འོན་ཀྱང་དུས་ཕྱིས་སུ་བོད་ཀྱི་གསོ་བ་རིག་པའི་གཞུང་ལུགས་བརྩམ་བསྒྱུར་གྱི་རྒྱུན་ཧ་ལམ་ཆད་པ་ལྟ་བུ་སྣང་བཞིན་འདུག་ན་དེ་ལྟའི་རྒྱུན་བཟང་སླར་གསོ་ཡོང་བའི་ཆེད་དུ་དང་། ལྷག་པར་ྋགོང་ས་མཆོག་གིས་བཀའ་འགྱུར་བསྟན་འགྱུར་དེ་མཆོད་པ་བྱེད་རྒྱུ་ཙམ་མ་ཡིན་པར་དེ་དག་སློབ་སྦྱོང་བྱེད་རྒྱུ་ཤིན་ཏུ་གལ་ཆེན་པོ་ཡིན་པའི་བཀའ་སློབ་ལན་མང་ཕེབས་པ་རྣམས་སེམས་ལ་བཅང་ནས་གཤམ་དུ་བཀའ་འགྱུར་དང་། བསྟན་འགྱུར་གཙོས་བོད་སྐད་དུ་གསོ་རིག་གཞུང་ལུགས་གསར་དུ་བརྩམས་པ་གང་དང་། སྐད་གཞན་ནས་བསྒྱུར་བའི་གསོ་རིག་གཞུང་ལུགས་ཁག་གི་མཚན་བྱང་ཟུར་འདོན་དང་མཆན་བཅས་མིག་དཔེའི་ཚུལ་དུ་བཀོད་ཡོད། ཁ བརྗོད་བྱ། ༡། སྡེ་དགེ་བཀའ་འགྱུར་ལས་གསོ་རིག་སྡེ་ཚན། ༢། སྡེ་དགེ་བསྟན་འགྱུར་ལས་གསོ་རིག་དང་འབྲེལ་བའི་ཡིག་ཆ། ༣། སྟོན་པ་སངས་རྒྱས་བཅོམ་ལྡན་འདས་ཀྱིས་བཀའ་སྩལ་བར་གྲགས་པའི་གསོ་རིག་གཞུང་ལུགས། ༤། བྱང་ཆུབ་སེམས་དཔས་གསུངས་པར་གྲགས་པའི་གསོ་རིག་གཞུང་ལུགས། ༥། ལྷ་དང་དྲང་སྲོང་རྣམས་ཀྱི་གསུངས་པར་གྲགས་པའི་གསོ་རིག་གཞུང་ལུགས། ༦། དཔལ་མགོན་འཕགས་པ་ཀླ་སྒྲུབ་ཀྱིས་མཛད་པར་གྲགས་པའི་གསོ་རིག་སྐོར། ༧། དཔལ་མགོན་ཕ་ཁོལ་དང་ཁ་ཆེ་ཟླ་བ་མངོན་དགས་མཛད་པའི་གསོ་རིག་བསྟན་བཅོས། ༨། ཆོས་རྒྱལ་སྲོང་བཙན་སྒམ་པོའི་སྐུ་དུས་གསོ་རིག་དང་འབྲེལ་བའི་བརྩམས་བསྒྱུར། ༩། ཆོས་རྒྱལ་ཁྲི་ལྡེ་གཙུག་བརྟན་ནམ་མེས་ཨག་ཚོམས་སྐུ་དུས་བསྒྱུར་བརྩམས། ༡༠། བཙན་པོ་ཁྲི་སྲོང་ལྡེའུ་བཙན་གྱི་སྐུ་དུས་བསྒྱུར་བརྩམས། ༡༡། ལོ་ཙྰ་བ་བཻ་རོ་ཙ་ནའི་བསྒྱུར་བརྩམས། ༡༢། རྒྱལ་པོའི་བླ་སྨན་མི་དགུའི་བསྒྱུར་བརྩམས། ༡༣། ལྷ་བླ་མ་ཡེ་ཤེས་འོད་ཀྱི་སྐུ་རིང་ནས་བཟུང་བསྒྱུར་བརྩམས་གྲགས་ཆེ་བ་འགའ། ༡༤། ཕྱི་ལོ་༡༩༥༩ རྗེས་ཀྱི་བསྒྱུར་བརྩམས། ༡། སྡེ་དགེ་བཀའ་འགྱུར་ལས་གསོ་རིག་སྡེ་ཚན། འདུལ་བ་གཞི།1 འདུལ་བ་ཕྲན་ཚེགས་ཀྱི་གཞི།2 འཕགས་པ་དགའ་བོ་ལ་མངལ་ན་གནས་པ་བསྟན་པ་ཞེས་བྱ་བ་ཐེག་པ་ཆེན་པོའི་མདོ།3 འཕགས་པ་ཚེ་དང་ལྡན་པ་དགའ་བོ་ལ་མངལ་དུ་འཇུག་པ་བསྟན་པ་ཞེས་བྱ་བ་ཐེག་པ་ཆེན་པོའི་མདོ།4 ཚེའི་མཐའི་མདོ།5 ཚེ་འཕོ་བ་ཇི་ལྟར་འགྱུར་བའི་མདོ།6 མཆོག་གི་དང་པོའི་སངས་རྒྱས་ལས་ཕྱུང་བ་རྒྱུད་ཀྱི་རྒྱལ་པོ་དཔལ་དུས་ཀྱི་འཁོར་ལོ་ཞེས་བྱ་བ།7 རྒྱུད་ཀྱི་རྒྱལ་པོ་ཆེན་པོ་དཔལ་རྡོ་རྗེ་མཁའ་འགྲོ་ཞེས་བྱ་བ།8 འཕགས་པ་བཅོམ་ལྡན་འདས་སྨན་གྱི་བླ་བཻཌྰུརྱའི་འོད་ཀྱི་སྔོན་གྱི་སྨོན་ལམ་གྱི་ཁྱད་པར་རྒྱས་པ་ཞེས་བྱ་བ་ཐེག་པ་ཆེན་པོའི་མདོ།9 More>>


    གསོ་རིག་གླིང་།   སྤྱི་ལོ་ ༢༠༡༦ ཟླ་ ༠༡ ཚེས་ ༣༠ ལ།     སྡེ་ཚན་ གཞུང་ལུགས།   མཆན་ ༠ བཀོད་འདུག
  • – འཇིགས་མེད་མཁྱེན་བརྩེ། ནམོ་གུརུ་བྷཻཥཛྱེ། མཚན་སྙན་ཟླ་ཤེལ་གསར་པ་བཞུ་བའི་རྒྱུན།། ཐོས་འཛིན་ཀུནྡའི་འཇོ་སྒེག་གིས་བཏུད་པས།། དུག་གསུམ་གདུང་བ་རིང་བཅིལ་ཕན་དང་བདེའི།། ལང་ཚོ་གསར་དུ་བཞད་དེས་ཤེས་པ་སྐྱོངས།། སྲོག་རླུང་ནད་ལ་རྒྱུ་རྐྱེན་བརྟགས་ཚུལ་དང་།། བཅོས་ཐབས་རྗེས་གཅོད་རྣམ་པ་ལྔ་ཡིས་བསྟན།། རྒྱུ། རྒྱུ་ནི་མ་རིག་ལས་བྱུང་འདོད་ཆགས་ཀྱིས།། བསྐྱེད་པའི་རླུང་ནད་ཐ་མལ་གནས་གནས་པ་ཉིད།།


    གསོ་རིག་གླིང་།   སྤྱི་ལོ་ ༢༠༡༦ ཟླ་ ༠༡ ཚེས་ ༣༠ ལ།     སྡེ་ཚན་ ནང་དོན་རིག་པ།   མཆན་ ༠ བཀོད་འདུག
  • – ཨེ་པ་བསོད་ནམས་རིན་ཆེན། དང་པོ། མཆོད་བརྗོད་དང་དམ་བཅའ། ཨོཾསྭསྟིཿ བླ་མ་རྡོ་རྗེ་འཆང་ལ་གསོལ་བ་འདེབས། །བདག་རྒྱུད་རྣམ་པར་དག་པར་བྱིན་གྱིས་རློབས། །དེ་ཡང་འགྲོ་དྲུག་གཙོར་གྱུར་མི་ལུས་ལ། །རྣམ་པར་འཚེ་བའི་ནད་རིགས་གྲངས་མང་ཡང་། །ལུས་སེམས་གཉིས་སུ་མ་འདུས་ནད་མེད་ཅིང་། །ཁྱད་པར་སེམས་ཁམས་ནད་ཅེས་ཐ་མལ་གྱི། །སེམས་གཤིས་རྐྱེན་གྱིས་རྣམ་པར་བསྒྱུར་བྱས་སྟེ། །ལུས་ངག་བྱ་བ་རྒྱུན་ལས་གོ་ལྡག་དང་། །རང་ཚུགས་མི་ཐུབ་ལོག་པའི་གོལ་སར་ཤོར། །ཚུལ་འདི་བཅོས་ལ་སྲོལ་རྒྱུན་ཆོས་སྨན་གྱི། །གཞུང་ལུགས་སྤྱི་དང་བྱེ་བྲག་དེང་གི་དུས། །ཕྱི་གླིང་ཡུལ་དུ་རླུང་ལྟར་གྲགས་པ་ཡི། །སེམས་ཁམས་རིག་པ་སྨྲ་བའི་ཆེད་མཁས་ཚོས། །ངོས་འཛིན་གསོ་བཅོས་སྣ་ཚོགས་མཛད་མོད་ཀྱང་། །སྐབས་འདིར་རང་ལུགས་སྲོལ་རྒྱུན་རྩིས་རིག་དང་། །འབྲེལ་བའི་སེམས་ནད་གསོ་ཚུལ་སྙིང་བསྡུས་ཙམ། །དོན་གཉེར་འདུས་པའི་དབུས་སུ་གླེང་བར་བྱ། །


    གསོ་རིག་གླིང་།   སྤྱི་ལོ་ ༢༠༡༦ ཟླ་ ༠༡ ཚེས་ ༣༠ ལ།     སྡེ་ཚན་ རྩོམ་རིག   མཆན་ ༠ བཀོད་འདུག
  • – སྨན་རམས་པ་སྤེན་པ་ཚེ་རིང་། དང་པོ། སྨན་རྒྱུའི་ལས་སྣོན་བྱེད་ཐབས་སམ་འདུལ་སྦྱོང་བྱེད་ཐབས་ཀྱི་དགོས་དམིགས་ནི། དེའུ་དམར་དགེ་བཤེས་བསྟན་འཛིན་ཕུན་ཚོགས་ཀྱིས་མཛད་པའི་ཀུན་གསལ་སྣང་མཛོད་ལས། “མ་བཏུལ་སྨན་རྒོད་རང་རང་དུག་དང་ལྡན། །དུག་ཅེས་སྲོག་འཕྲོག་ནུས་པ་མ་ཡིན་ཀྱང༌། །ཟུངས་ངན་སྨན་རྩུབ་དཔྱད་ལོག་སྲོག་འདོར་བྱེད། །ཕན་ལས་གནོད་ཆེ་རྩུབ་པས་ཟུག་གཟེར་ལྡང༌། །ཕོ་བའི་མེ་གསོད་མིག་འགྲིབ་རྩ་སྒོ་འགག །རྣོ་བའི་ནུས་བཏུལ་ནད་སློང་ཡི་ག་འགག །བཤལ་སྐྱུག་གོ་ཟློག་ལ་སོགས་ཉེས་མང་སྐྱེད། །དུག་ཕྲལ་བཏུལ་བས་རྣོ་འཇམ་ནུས་པ་ལྡན། །རོ་ནུས་ཞུ་རྗེས་སྦྱོར་བ་ཚད་དུ་སྨིན། །དེ་ཕྱིར་འདུལ་བའི་ལས་ལ་བརྩོན་པར་རིགས།།” ཞེས་གསུངས་པ་ལྟར་གྱི་རྒྱུ་མཚན་ལ་བརྟེན། སྨན་གྱི་རྒྱུ་ཆའི་རིགས་རྣམས་གཙང་མ་བཟོས་ཏེ་སྨན་གྱི་ཁོངས་སུ་མ་གཏོགས་པ་རྣམས་དོར་བ་དང༌། སྨན་གྱི་ཕན་ནུས་ཆེ་རུ་གཏོང་བ། སྨན་གྱི་ནུས་པར་འགྱུར་ལྡོག་གཏོང་བ། ཕོག་ཐུག་གི་རང་བཞིན་མེད་པ་བཟོ་བ་དང༌།


    གསོ་རིག་གླིང་།   སྤྱི་ལོ་ ༢༠༡༦ ཟླ་ ༠༡ ཚེས་ ༣༠ ལ།     སྡེ་ཚན་ སྨན་སྦྱོར།   མཆན་ ༠ བཀོད་འདུག
  • – སྨན་རམས་པ་ཆོས་ལོ་ཐར། དེ་ཡང་ཟུར་མཁར་བློ་གྲོས་རྒྱལ་པོས། “བོད་གངས་ཅན་གྱི་ཁྲོད་འདིར་མི་གསུམ་ཚོགས་པ་ཡན་གྱིས་རྒྱུད་འདི་བཀའ་ཡིན་ནམ་བསྟན་བཅོས་ཡིན་ཞེས་གླེང་ཞིང་། འགའ་ཞིག་གིས་བཀའ་ཡིན་ཞེས་འུ་ཚུགས་འབའ་ཞིག་བྱེད་ཅིང་། འགའ་ཞིག་གིས་བསྟན་བཅོས་རང་ཡིན་ཞེས་གླེང་ཡང་ལུང་རིགས་གང་ནས་ཀྱང་མ་འབྲེལ་བའི་ཨུ་ཚུགས་འབའ་ཞིག་བྱེད་ཀྱི་ཡོད།” གཅིག སངས་རྒྱས་ཀྱིས་ཞལ་ནས་གསུངས་པའི་བཀའ་ཡིན་པར་འདོད་པ། ལོ་རྒྱུས་སྟེང་སྨན་དཔྱད་ལ་མཁས་པར་གྲགས་པ་ཕལ་མོ་ཆེས་སངས་རྒྱས་ཀྱིས་གསུངས་པའི་བཀའ་ཡིན་པར་ཁས་ལེན་བྱེད། དེའི་རྒྱུ་མཚན་ནི་རྒྱུད་བཞིའི་བསྒྲིགས་ཚུལ་བཀའ་དང་མཐུན་ཞིང་བླ་བརྒྱུད་ཀྱང་སངས་རྒྱས་སྨན་བླའི་བར་དུ་ཐར་ཆགས་སུ་གཏུགས་ཡོད།


    གསོ་རིག་གླིང་།   སྤྱི་ལོ་ ༢༠༡༦ ཟླ་ ༠༡ ཚེས་ ༣༠ ལ།     སྡེ་ཚན་ གཞུང་ལུགས།   མཆན་ ༠ བཀོད་འདུག
  • – གསོ་རིག་སློབ་དཔོན་རག་རྡོ་བློ་བཟང་བསྟན་འཛིན། ཨོཾ་ཨཐཿ ཚད་མེད་ཐུགས་རྗེའི་རྩ་བ་ལས།། མཁྱེན་པའི་ཡལ་འདབ་འབུམ་གྲོལ་ཞིང་།། མཛད་པའི་འབྲས་བཟང་ཡོངས་སྨིན་པ།། བཤེས་གཉེན་ཡོངས་འདུའི་དབང་པོ་རྒྱལ།། ཚིགས་ཚོགས་ལོ་མ་མི་བསྟུག་ཅིང་།། རྒྱུད་དོན་འོ་མའི་བཅུད་འཛིན་པའི།། ལེགས་བཤད་ལྗོན་བཟང་འདི་ན་སྣང་།། བློ་ལྡན་གང་དག་བསྙེན་པར་མཛོད།།


    གསོ་རིག་གླིང་།   སྤྱི་ལོ་ ༢༠༡༦ ཟླ་ ༠༡ ཚེས་ ༣༠ ལ།     སྡེ་ཚན་ གཞུང་ལུགས།   མཆན་ ༠ བཀོད་འདུག
  • – ཉམས་ཞིབ་སྡེ་ཚན་ནས་བསྒྱུར། དྷ་ས་བོད་ཀྱི་སྨན་རྩིས་ཁང་། (འབྱུང་ཁུངས། རྒྱལ་སྤྱིའི་འཕྲོད་བསྟེན་དྲྭ་རྒྱ།) ༡ གཉན་རིམས་ཨེཌས་ (HIV/AIDS) ཀྱི་གོ་དོན་བཤད་པ། གཉན་རིམས་ཨེཌས་HIV/AIDSཞེས་པ་འདི་ནི་ཐོག་མར་སྤྱི་ལོ་༡༩༧༠ ནང་གླིང་ཕྲན་ཨ་ཧྥ་རི་ཀའི་ས་ཁུལ་གྱི་སེམས་ཅན་སྤྲའི་ནད་འབུ་རིགས་ཞིག་མི་ལ་འགོས་ཁྱབ་དུ་སོང་སྟེ་རིམ་བཞིན་འཛམ་གླིང་ཡོངས་ལ་རྒྱ་ཆེར་མཆེད་པའི་བཅོས་དཀའ་བའི་རིམས་ནད་ཚབས་ཆེན་ཞིག་ཡིན། གཉན་ནད་འདི་ནི་དབྱིན་སྐད་དུ་ Human Immunodeficiency Virus (བསྡུས་མིང་དུ་HIV) ཞེས་འབོད་པའི་ནད་སྲིན་དུག་པ་དེས་མིའི་ལུས་ཟུངས་ཀྱི་ནད་འགོག་མ་ལག་ནུས་པ་ཡོངས་རྗོགས་ཉམས་ཞན་དུ་བཏང་ནས་བླ་གཉན་གྱི་ནད་རིགས་ (opportunistic infection) མང་དུ་འབྱུང་བའི་གཉན་རིམས་ཤིག་སྟེ་རྒྱལ་སྤྱིའི་ནང་ཡོངས་གྲགས་སུ་ Acquired Immune Deficiency syndrome (བསྡུས་མིང་དུ་AIDS) ཞེས་འབོད་པ་ཡིན། ཐ་སྙད་འདིའི་གོ་དོན་ནི་ Acquired འགོས་པ། Immune ནད་འགོག་ནུས་པ། Deficiency ཉམས་པ། syndrome ན་ཚའམ་རིམས་ནད་ཅེས་ཟེར་བ་ཡིན།


    གསོ་རིག་གླིང་།   སྤྱི་ལོ་ ༢༠༡༦ ཟླ་ ༠༡ ཚེས་ ༣༠ ལ།     སྡེ་ཚན་ ཕྱི་ལུགས་གསོ་རིག   མཆན་ ༠ བཀོད་འདུག
ཁྱོན་ཤོག་གྲངས 16 འདུག12345...10...མཐའ་མ། »
རྩོམ་གསར་ཤོས།
མཆན་གསར་ཤོས།
©གསོ་རིག་གླིང་།