ལེའུ་གསུམ་པ།གཡུ་ཐོག་སྔོ་འབུམ་བཞུགས་སོ།།

image_pdfimage_print

གཡུ་ཐོག་ཡོན་ཏན་མགོན་པོས་མཛད།
 
སྨན་བླ་མི་འཛད་སྨན་གྱི་མཛོད།།རྒྱུ་འབྲས་ནད་ཀུན་འཇོམས་ལ་འདུད།།སྐྱེ་བའི་སྔོ་དང་སྨན་གྱི་མཛོད།།འཁྲུངས་དཔེ་སྣྭ་ཚོགས་བྱེ་བྲག་རྣམས།།རབ་ཏུ་གསལ་བ་འདིར་བཤད་བྱ།།
ནད་རྣམས་ཐམས་ཅད་སེལ་བའི་སྨན།།མོན་སྣེ་དམར་པོ་ཞིང་ལ་སྐྱེ།།ལོ་མ་དམར་སྨུག་རྐོ་མ་མཆུ།།འབྲས་བུ་ཞིབ་མོ་འཕུང་བ་དེ།།རིང་ཐུང་མཐོ་རེ་མཛུབ་རེ་ཙམ།།ཁུ་བ་དམར་པོ་སོན་ཆབ་རྒྱུ།།དུག་ནད་སེལ་བའི་སྨན་གྱི་མཆོག།
ཨ་བྷིཥ་ཞེས་བྱ་བ་ནི།།སྤེན་མ་དམར་བཤད་[སྨག་ཤད]ནང་དུ་སྐྱེ།།ངར་བ་ཆིག་སྐྱེས་འདྲ་ཞིང་མཁྲང༌།།རིང་ཐུང་ཁྲུ་རེ་རྐང་རེ་ཙམ།།ལོ་མ་ར་མོ་ཤག་དང་མཚུངས།།མེ་ཏོག་དབྱི་མོང་ཅུང་ཟད་འདྲ།།གང་བུ་སུལ་མང་ཐོག་ལེགས་འདྲ།།རྩ་བ་སྒོག་སྐྱ་ཆིག་སྐྱེས་འདྲ།།ནུས་པས་མགོ་ཆག་སེལ་བ་དང༌།།དུག་རིགས་ཐམས་ཅད་འདི་ཡིས་འཇོམས།།

ཡུ་གུ་ཤིང་ནི་སྲིབས་ལ་སྐྱེ།།སྐྱེ་ཕོན་བསྟན་མ་རེ་ལྕག་འདྲ།།རིང་ཐུང་རྐང་རེ་མཐོ་རེ་ཙམ།།ངར་བ་ཕྲ་ཞིང་དྲང་བ་ལ།།ལོ་མ་རྒྱབ་སྐྱ་ནང་ནི་སྔོ།།མེ་ཏོག་རྒྱབ་སྔོན་ནང་ནི་སྐྱ།།ཐད་དེ་སྤྲ་བའི་རང་བཞིན་ཅན།།ནུས་པས་རྨ་ནི་འདྲུབ་བྱེད་ཅིང༌།།དུག་ནད་མ་ལུས་སེལ་བའི་མཆོག།
སུ་མི་དམར་ནི་རི་ལ་སྐྱེ།།འདབ་མ་ས་འབྱར་ཉ་ག་ཅན།།རིང་ཐུང་མཁྱིད་རེ་མཛུབ་རེ་ཙམ།།རྩེ་མོ་ཕྲ་ཞིང་སྤྲ་བ་ཡོད།།མེ་ཏོག་ཁྲོག་ཆུང་ཅུང་ཟད་འདྲ།།རོ་ནི་བསྐ་སྐྱུར་བཤལ་བྱེད་
①གཡུ་ཐོག་སྔོ་འབུམ་དུ་གྲགས་པ་འདི་ནི།གཞུང་རང་གི་མཇུག་བྱང་དུ་སྔོ་འབུམ་མཐོང་འགྲོལ་ཆེན་པོ་འདི།ཡི་དམ་འཕགས་པ་འཇམ་དཔལ་དང༌།།རྗེ་བཙུན་སྒྲོལ་མའི་སྔོ་འབུམ་དང༌།།དྲང་སྲོང་ཆེན་པོའི་གསུང་རྒྱུན་ལ།།བསྟེན་ནས་གཡུ་ཐོག་མགོན་པོས་བསྡེབས།།ཞེས་གསུངས་པར་གཞིགས་ན་འཇམ་དབྱངས་སྔོ་འབུམ་དང་སྒྲོལ་མའི་སྔོ་འབུམ་སོགས་ལ་གཞི་བཅོལ་ནས་བསྒྲིགས་པར་མངོན་ལ།སྒྲིག་པ་པོ་ནི་གཡུ་ཐོག་གསར་མ་ཡོན་ཏན་མགོན་པོ་ཡིན་ངེས་ཏེ།གསར་མའི་རྣམ་ཐར་དུ།ཆ་ལག་གི་གྲས་ཡིན་ངེས་སྔོའི་མན་ངག་འཁྲུགས་སེལ་སྒྲོན་མེ།གཡུ་ཐོག་ཤོག་དྲིལ་སྐོར་གསུམ་གཉིས་དང༌།གཞན་ཡང་སྨན་པའི་རྒྱལ་པོ་གཡུ་ཐོག་པ་དེས་སྔོ་འབུམ་ཆེན་མོ་དང།།མན་ངག་གི་སྙིང་བོ་དྲིལ་བ་འབུམ་ཁུ་ཚུར།བུ་དོམ་མ་སོགས་མཛད་ཅེས་འབྱུང་བ་ལས་རྙིང་མའི་རྣམ་ཐར་དུ་སྔོ་འབུམ་མཛད་པའི་བགྲོས་མི་འདུག་པས་སོ།།དེས་ན་སྔོ་འབུམ་ཆེན་མོ་ཞེས་པ་ནི་གཞུང་འདི་ཉིད་ཡིན་ངེས་ཀྱང་དུས་ཟིང་གི་དབང་གིས་འཐོར་གྱེཌཕྱྭདང་ལྡེབས་འཁྲུགས་པ་སོགས་ལས་ཆ་མ་ཚང་ངམ་སྙམ་སྟེ་དཔྱད་པར་བྱའོ།།
ཅིང༌།།དུག་རིགས་མ་ལུས་འཇོམས་པའི་མཆོག།
དཔའ་བོ་སེརཔོ་བྲག་ལ་སྐྱེ།།ལོ་མ་ལྕ་ཆུང་འདྲ་བ་ལ།།སྐྱེ་ལུགས་ངར་བ་སྤྲུ་དཀར་འདྲ།།རིང་ཐུང་རྐང་རེ་ཁྲུ་རེ་ཙམ།།རྩ་བ་མེ་ཏོག་སེར་བ་དེ།།རོ་ཁ་དུག་རིགས་མ་ལུས་སེལ།།
བྲག་སྤོས་རེ་རལ་རི་སུལ་སོགས།།བྱང་བལྟས་བྲག་གི་སྲིབས་ལ་སྐྱེ།།འདབ་མ་ཆིག་སྐྱེས་ལྗང་སེར་བ།།རིང་ཐུང་སོར་བཞི་སོར་ལྔ་ཙམ།།རྒྱབ་ན་གསེར་གྱི་ཐིག་ལེ་ཡོད།།དྲི་ཞིམ་ནུས་པས་རྨ་ལ་ཕན།།དུག་ནད་སེལ་བའི་སྨན་གྱི་མཆོག།
ལུག་རུ་དཀར་པོ་སྲིབས་ལ་སྐྱེ།།ལོ་མ་མེ་ཏོག་གླང་སྣ་འདྲ།།རིང་ཐུང་མཁྱིད་རེ་མཛུབ་རེ་ཙམ།།མེ༌ཏོག་དཀར་པོ་བྱ་མགོ་འདྲ།།དུག་རྣམས་སྡུད་པའི་སྨན་དུ་བཤད།།
ལུག་རུ་དམར་པོ་མུ་ལ་སྐྱེ།ངར་བ་ཆིག་སྐྱེས་ཕྲ་བ་སྟེ།།མེ་ཏོག་དམར་པོ་ལུག་རུ་འཁྱིལ།།།རིང་ཐུང་མཛུབ་རེ་མཐོ་རེ་ཙམ།།དུག་སྡུད་ཤ་དུག་སེལ་བར་བྱེད།།
  ལུག་རུ་སེར་པ་ན་ལ་སྐྱེ།།ལོ་མ་མཛེར་བ་སྤུངས་པ་འདྲ།།མེ་ཏོག་སེར་པོ་ལུག་རུ་འཁྱིལ།།དུག་སྡུད་མགོ་ཆག་ཤ་དུག་སེལ།།
བྲག་སྐྱ་ཧ་བོ་བྲག་ལ་སྐྱེ།།ལོ་མ་ས་འབྱར་མཐུག་ལ་གྱོང༌།།རྒྱབ་ན་བ་སྤུ་སེར་པོ་ཡོད།།མེ་ཏོག་སྔོན་པོ་དྲིལ་བུ་ཁ།།ངར་བ་རིལ་མོ་ཕྲ་བ་སྟེ།།རིང་ཐུང་སོར་བཞི་སོར་ལྔ་ཙམ།།ནུས་པས་ཁྲག་གཅོད་རྒྱུ་གཟེར་དང༌།།དུག་གི་ནད་ལ་བསྔགས་པ་ཡིན།།
འོམ་བུ་འབབ་ཆའི་གླིང་དུ་སྐྱེ།།ལོ་མ་ལྗང་འདྲ་ཁྲུག་ཁྲུག་པོ།འབྲས་བུ་ཆུང་ཞིང་འཕུངས་པ་སྟེ།།ཤ་དུག་ཀུན་འཇོམས་དུག་སྨན་སྟེ།
འཇིབ་རྩི་ཞིང་ཚིགས་སྐམ་ལ་སྐྱེ།།དྲི་ཞིམ་(མེ་ཏོག)སྔོན་པོ་ཅན།འདབ་མ་ཕྲ་ཞིང་གུར་ཀུམ་མཚུངས།།རིང་ཐུང་མཐོ་རེ་ཁྲུ་རེ་ཙམ།།ཕོ་མཆིན་ནད་དང་རིམས་ཚད་སེལ།།
པར་པ་ཏ་ནི་ལྗོངས་སུ་སྐྱེ།།ངར་བ་སར་འབྱར་སྨུག་པ་ལ།།འདབ་མ་ལྗང་སྐྱ་ཕྲ་ལ་སིབ།།རིང་ཐུང་མཐོ་རེ་མཛུབ་རེ་ཙམ།།བཅད་ན་ཞོ་འབྱུང་མེ་ཏོག་དཀར།།རོ་ཁ་རིམས་ནད་ཐམས་ཅད་འཇོམས།།
མ་རུ་གླ་སྒང་ན་ལ་སྐྱེ།།སྐྱེ་ལུགས་རམ་བུ་ཅུང་ཟད་འདྲ།། འདབ་མ་སར་འབྱར་སྣུམ་ལ་གྱོང༌།།སྙེ་མ་དཀར་པོ་བོན་ཚེ་འདྲ།། ངར་བ་ཕྲ་ཞིང་དྲང་བ་སྟེ།།རིང་ཐུང་མཐོ་རེ་མཛུབ་རེ་ཙམ།།འབྲས་བུ་རྩི་འཇམ་ཟུར་གསུམ་པ།།རོ་ནི་མངར་ཞིང་ནུས་པ་ཡིས།རིམས་ནད་མ་ལུས་སེལ་བར་བྱེད།།
རིང་①ཆུང་བ་ནི་སྲིབས་ལ་སྐྱེ།།ངར་བ་དམར་པོ་སྨག་ཤད་འདྲ།།རིང་ཐུང་སོར་བཞི་སོར་ལྔ་ཙམ།།སེར་འབྲུག་འབྲུག་པོ།སྡོང་དམར་རོ་ནི་བསྐ་ལ་སྐྱུར།རིང་ཐུང་ཁྲུ་རེ་མདའ་རེ་ཙམ།།ནུས་པས་རྨ་ནི་འདྲུབ་པར་བྱེད་ཅིང༌།།དུག་ནད་མ་ལུས་སེལ་བའི་མཆོག།
ཡུངས་དཀར་ཞིང་དང་ལྡུམ་རར་སྐྱེ།།ལོ་མ་འཇམ་ཞིང་ངར་བ་འཁྱོག།རིང་ཐུང་ཁྲུ་མདའ་མེ་ཏོག་སེར།།དུག་ནད་སེལ་དང་སྲུང་བར་བྱེད།།
བྱིའུ་ལ་ཕུག་གྲམ་ལ་སྐྱེ།།ལོ་མ་ལྗང་སྐྱ་རྩུབ་པ་ལ།།མེ་ཏོག་དཀར་ཞིང་ངར་བ་ཕྲ།རིང་ཐུང་མཛུབ་རེ་མཁྱིད་རེ་ཙམ།།ལ་ཕུག་རོ་འདྲ་ནུས་པ་ཡིས།།ཟས་འཇུ་ཤ་དུག་སེལ་བར་བྱེད།།
ཤང་ཤང་དྲིལ་བུ་ན་ལ་སྐྱེ།།འདབ་མ་ལྗང་སེར་དྲི་མ་དུགས།།མེ་ཏོག་སེར་པོ་དྲིལ་བུ་ཁ།།ངར་བ་དྲིལ་མོ་སྲང་བ་སྟེ།།རིང་ཐུང་རྐང་རེ་ཁྲུ་རེ་ཙམ།།རྨ་དང་ཤ་དུག་གཉིས་ཀ་གསོ།།འདི་ལ་མེ་ཏོག་རིགས་ལྔར་དབྱེ།།
བྱ་ནེ་ན་ནི་ས་ངན་སྐྱེ།།ངར་བ་ས་འབྱར་ངར་བ་ལྡུམ།།རིང་ཐུང་སོར་བཞི་སོར་ལྔ་ཙམ།།སྐྱེ་ལུགས་སྣེ་སྔོན་ཅུང་ཟད་ཙམ།།མེ་ཏོག་གཡུ་ཡི་དྲིལ་ཆུང་འདྲ།།རིམས་ནད་མ་ལུས་སེལ་བར་བྱེད།།
ཧོང་ལེན་གཡའ་སྤང་མཚམས་སུ་སྐྱེ།།ལོ་མ་མཐུག་འཇམ་སོག་ལེ་ཁ།།མེ་ཏོག་ནས་ཀྱི་འབྲོང་ལོ་འདྲ།།ངར་བ་སྨུག་པོ་རིལ་མོ་ལ།།རིང་ཐུང་མཐོ་རེ་མཛུབ་རེ་ཙམ།།རྩ་བ་གོང་མོའི་བྲུན་དང་འདྲ།།དྲི་མེད་རོ་ནི་ཁ་ལ་དྭངས།ཁྲག་སྐེམས་འཁྲུགས་ཚད་གདོན་ཚད་སེལ།།
སྤང་རྩི་དོ་བོ་སྤང་སྨད་སྐྱེ།།ལོ་མ་ས་འབྱར་ཉ་ག་ཅན།།མེ་ཏོག་དམར་སྨུག་སྤོག་མགོ་འདྲ།།ངར་བ་རིལ་མོ་མཐོ་རེ་ཙམ།།རྩ་བ་ལྤགས་ནག་རོ་ནི་ཁ།།རིམས་དུག་རྙིངས་ཚད་སེལ་བར་བྱེད།།
ཟིལ་བ་ཅན་ནི་གཡའ་སྟོད་ཀྱི།།ན་སྤང་སྐྱེ་ཡི་ཆུ་འགྲམ་སྐྱེ།།མེ་ཏོག་ཤང་ཤང་ལོ་མ་འདྲ།།སྐྱེ་ཕོན་བྲང་ག་རེ་ལྕག་འདྲ།མེ་ཏོག་དམར་ཞིང་རོ་ནི་ཁ།།རིང་ཐུང་མཐོ་རེ་མཛུབ་རེ་ཙམ།།ཚད་པའི་ནད་རྣམས་ཀུན་ལ་ཕན།།
སྤང་སྤོས་སྤང་གི་སྲིབས་ལ་སྐྱེ།ལོ་མ་རྩུབ་པོ་རྐོ་མ་མཆུ།མེ་ཏོག་སེར་ཞིང་ངར་བ་སྐྱོག།རིང་ཐུང་སོར་བཞི་སོར་ལྔ་ཙམ།།རོ་ཁ་ནུས་པས་ཚད་རྙིངས་སེལ།།
འབུ་སུ་ཧང་ནི་ཞིང་ནང་སྐྱེ།།ལོ་མ་རྩུབ་པོ་རྐོ་མ་མཆུ།མེ་ཏོག་སེར་ཞིང་ངར་བ་སྐྱོག།རིང་ཐུང་སོར་བཞི་སོར་ལྔ་ཙམ།།གང་བུ་སྣུམ་པོ་སྲན་སྐོགས་འདྲ།།མཁལ་ཚད་གློ་ཚད་རྙིང་བ་སེལ།།
①      ནིང་དང་ཞིང༌།ཆིང་གང་ཡིན་མི་གསལ།
གསེར་ཏིག་སྤང་གི་སྲིབས་ལ་སྐྱེ།ལོ་མ་ལྗང་སེར་རྐོ་མ་མཆུ།།མེ་ཏོག་སེར་པོ་ངུར་ཐིག་ཅན།།ངར་བ་ཕྲ་ཞིང་དྲང་བ་སྟེ།།རིང་ཐུང་མཁྱིད་རེ་མཛུབ་རེ་ཙམ།།རོ་ཁ་ཁྲག་མཁྲིས་རིམས་ནད་སེལ།།
  ལྕགས་ཏིག་པ་ནི་མུ་ལ་སྐྱེ།།འདབ་མ་ཆུང་ཞིང་མེ་ཏོག་སྔོ།།ངར་བ་ནག་ཅིང་ཕྲ་བ་སྟེ།།རོ་ཁ་རྨ་དང་རིམས་མཁྲིས་སེལ།།
ཟངས་ཏིག་པ་ནི་སྐམ་སར་སྐྱེ།།འདབ་མ་ཡུངས་དཀར་ཅུང་ཟད་འདྲ།།ངར་བ་དམར་ཞིང་ཡལ་ག་དམར།།རིང་ཐུང་མཁྱིད་རེ་མཛུབ་རེ་ཙམ།།མེ་ཏོག་དམར་སྐྱ་རོ་ནི་ཁ།།རིམས་ནད་མཁྲིས་ཚད་སེལ་བར་བྱེད།།
ཟྭ་ནི་རི་ཐང་མཚམས་སུ་སྐྱེ།།སྐྱེ་ཕོན་སེ་བ་སྨག་ཤད་འདྲ།།ངར་བ་སྨུག་ཅིང་དྲང་བ་སྟེ།།རིང་ཐུང་ཁྲུ་རེ་མདའ་རེ་ཙམ།།ལོ་མ་ལྗང་ནག་འཇུག་པར་བྱེད།།ཕོ་བའི་དྲོད་སྐྱེད་རླུང་འཇོམས་ཞིང༌།།ཚད་པ་རྙིང་བ་སེལ་བར་བྱེད།།
བོང་རྣ་བ་ནི་མུ་ལ་སྐྱེ།།མེ་ཏོག་དཀར་ཆུང་ངར་བ་ཕྲ།།རྩེ་མོ་ཕྱིར་ལ་བཟློག་པ་སྟེ།།རིང་ཐུང་མཁྱིད་རེ་མཛུབ་རེ་ཙམ།།རོ་ནི་ཁ་བསྐ་ཚད་ནད་སེལ།།
བྱ་ཁྱུང་གཡའ་ཡི་སྟོད་དུ་སྐྱེ།།ལོ་མ་ས་འབྱར་ཕྲ་བ་སྟེ།།རིང་ཐུང་སོར་བཞི་སོར་ལྔ་ཙམ།།མེ་ཏོག་འབྲས་བུ་གང་ཡང་མེད།།རོ་ཁ་ཚད་ནད་སེལ་བར་བྱེད།།
ཤེལ་དར་སྲིབས་ཀྱི་ནགས་གསེབ་སྐྱེ།།རིང་ཐུང་ཁྲུ་རེ་མདའ་རེ་ཙམ།།ལོ་མ་ལུག་ཆུང་ལྟ་བུ་ལ།།ངར་བ་ཟུར་ལྔ་མེ་ཏོག་ནི།།སེར་དང་སྔོན་པོ་པུ་ཤུད་མགོ།རོ་ཁ་རིམས་ནད་སེལབར་བྱེད།།
བྷྲི་གུ་གཡའ་སྤང་མཚམས་སུ་སྐྱེ།།འདབ་མ་ས་འབྱར་ཕྲ་བ་ལ།།མེ་ཏོག་སེར་པོ་འཕུང་བ་སྟེ།།བཅད་ན་ཞོ་འབྱུང་རོ་ནི་ཁ།།རིམས་མཁྲིས་སེལ་བར་བྱེད་པ་ཡིན།།
གསོ་འབི་ཤིང་①ནི་གཡའ་ལ་སྐྱེ།།འདབ་མ་འབོལ་མོ་པད་ཁ་འདྲ།།མེ་ཏོག་འབྲས་བུ་དམར་བ་སྟེ།།གང་བུ་སོར་བཞི་རོ་ནི་ཁ།།རིང་ཐུང་སོར་བཞི་སོར་ལྔ་ཙམ།།ཚད་པའི་སྨན་གྱི་མཆོག་གཅིག་ཡིན།།
བོང་ང་ནག་པོ་མུ་ལ་སྐྱེ།།ལོ་མ་ལྗང་ནག་ངར་བ་ནག།རྩ་བ་རྡོག་དྲིལ་མེ་ཏོག་སྔོ། །རོ་ནི་ཁ་①མ་ཡིག་གི་ཡི་གེ་མི་གསལ།
ཞིང་ནུས་པ་ཡིས།།གཉན་ནད་མ་ལུས་སེལ་བར་བྱེད།།
       འཛིན་པ་ཉིན་གྱི་སྨད་དུ་སྐྱེ།ལོ་མ་ཕྲ་ཞིང་ངར་བ་ནག།མེ་ཏོག་སྔོན་པོ་བྱ་མགོ་བ།།རྩ་བ་རྡོག་འདྲིལ་རོ་ནི་ཁ།།གཉན་ནད་མ་ལུས་སེལ་བར་བྱེད།།
ཤུག་པ་ཆུ་ཡི་རླན་ལ་སྐྱེ།ལོ་མ་ལྗང་འདས་ལྟ་བུ་ལ།།ཕྱོགས་གཉིས་མདེའུའི་གཞུང་དང་འདྲ།།རྩ་བ་ཚིགས་མང་རམ་པ་འདྲ།།དྲི་ཆེ་གཉན་ནད་མ་ལུས་སེལ།།
ཁྱི་དུག་དཀར་པོ་སྐམ་སར་སྐྱེ།རིང་ཐུང་ཁྲུ་རེ་མདའ་རེ་ཙམ།།མེ་ཏོག་ཤང་ཆུ་བཏགས་པ་འདྲ།།གང་བུ་སྨྱུག་མ་བཅད་པ་འདྲ།།འབྲས་བུ་ནག་ལེབ་མཁལ་མ་འདྲ།།རོ་ཚ་བྱེད་ཅིང་སྲིན་ནད་སེལ།།
ཁྱི་དུག་ནག་པོ་བྲག་འཁྲིས་སྐྱེ།རིང་ཐུང་ཁྲུ་རེ་མདའ་རེ་ཙམ།།མེ་ཏོག་དམར་སྨུག་ཁ་ཟླུམ་པ།།འབྲས་བུ་ནག་པོ་མཁལ་མ་འདྲ།།སྲིན་གྱི་ནད་ལ་རབ་ཏུ་བསྔགས།།
ཆིག་ཐུབ་ན་ཡི་སྐམ་སར་སྐྱེ།།ལོ་མ་ངར་བ་འཇག་མ་འདྲ།།སྙེ་མ་འོད་ཅན་ཟོར་བ་འདྲ།།གཉན་གྱི་ནད་དང་གཟེར་ཐུང་འཇོམས།
ཕུར་མོང་དཀར་པོ་སྲིབས་ལ་སྐྱེ།ལོ་མ་ཕྲ་སིབ་དྲི་མ་དྭངས།སྐྱེ་ཕོན་སྲན་མ་རེ་ལྕག་འདྲ།།རིང་ཐུང་མཛུབ་རེ་མཐོ་རེ་ཙམ།།སྐྲན་བཤིག་གཉན་འཇོམས་སྲིན་ནད་སེལ།།
ལ་ཐོད་དཀར་པོ་རྫ་ལ་སྐྱེ།ལོ་མ་མཐུག་ལ་དྲི་མ་དུགས།།ཕྱི་ནང་སྲིན་བལ་ལྟ་བུས་གཡོགས།།རིང་ཐུང་སོར་བཞི་སོར་ལྔ་ཙམ།།རྩ་བ་སྤར་ལོ་སྤོར་ལོ་འདྲ།།མགོ་རྨ་སྐྲངས་དང་ལྷོག་པ་འདུལ།།
ཉ་དུགཔ་ནི་ན་ལ་སྐྱེ།ལོ་མ་ས་འབྱར་སྲན་ཆུང་འདྲ།།རིང་ཐུང་མཁྱིད་རེ་མཛུབ་རེ་ཙམ།།མེ་ཏོག་དམར་པོ་སྲན་མ་འདྲ།།རོ་ནི་ཚ་མངར་སྲིན་བུ་གསོད།།སྐྱུག་ཅིང་གཉན་འཇོམས་ཉ་རྣམས་འཆི།།
རྒུ་དྲུས་ཤག་གསེབ་འགྲམ་ལ་སྐྱེ།སྐྱེ་ཕོན་སྲན་མ་རེ་ལྕག་འདྲ།།རིང་ཐུང་ཁྲུ་རེ་རྐང་རེ་ཙམ།།མེ་ཏོག་དམར་སྨུག་མང་བ་སྟེ།།རོ་ནི་ཚ་མངར་དྲི་མ་དུགས།།གཟེར་ཐུང་གཉན་ནད་གག་ལྷོག་སེལ།།
སྤྲུ་མ་ནག་པོ་སྲིབས་ལ་སྐྱེ།རིང་ཐུང་ཁྲུ་རེ་མདའ་རེ་ཙམ།།ལོ་མ་མཐུག་འཇམ་སྣུམ་པ་ལ།།མེ་ཏོག་སེར་པོ་ཨུག་ཆོས་འདྲ།།གག་ལྷོག་ཐམས་ཅད་འཇོམས་པར་བྱེད།།
སྤྲུ་མ་དཀར་པོ་ཞིང་ཚིགས་སྐྱེ།རིང་ཐུང་ཁྲུ་རེ་མདའ་རེ་ཙམ།།འདབ་མ་ཆེ་ཞིང་དྲི་མ་དུགས།།ངར་བ་འཁྱོག་ཅིང་མེ་ཏོག་དཀར།།ཁྲག་གཅོད་སྐྲངས་འདུལ་གཉན་སྲིན་འཇོམས།།
རྟ་ལྤགས་ནག་པོ་ན་ལ་སྐྱེ།འདབ་མ་མི་རྒན་བྲང་ལྤགས་འདྲ།།ངར་བ་གྲུ་བཞི་མེ་ཏོག་སྨུག།རིང་ཐུང་མཐོ་རེ་ཁྲུ་རེ་ཙམ།།ཁོང་དུ་བཏང་དང་བྱུག་པ་ཡིས།།སྐྲངས་དང་ཆུ་སེར་ལྷོག་པ་འཇོམས།།
སྒ་དྲོ་གཡེར་དྲོ་ཞིང་ནང་སྐྱེ།།ལོ་མ་ལྗང་ནག་རྐོ་མ་མཆུ།།སྙེ་མ་ཁྱི་ཡི་མཇུག་མ་འདྲ།།མེ་ཏོག་དཀར་ཆུང་མང་དུ་ལྡེམས།།རིང་ཐུང་མཁྱིད་རེ་མཛུབ་རེ་ཙམ།།དྲི་ཆེ་རོ་ནི་ཚ་ལ་མངར།།ནུས་པས་གག་ལྷོག་སེལ་བར་བྱེད།།

སྒ་ཏིག་ནག་པོ་སྤང་སྲིབ་དང༌།།བྲ་མ་སྤེན་མའི་གསེབ་ནས་སྐྱེ།།རིང་ཐུང་མཐོ་རེ་རྐང་རེ་ཙམ།།ངར་བ་ཆིག་སྐྱེས་ཤིན་ཏུ་ཕྲ།རྩ་བའི་ལོ་མ་སྣུམ་པ་ལ།།ལྗང་ནག་ཟུར་གཡོན་རྐོ་མ་མཆུ།།ངར་བའི་ལོ་མ་ཕྲ་ལ་མཉེན།།རྩེ་ལ་མེ་ཏོག་སྔོན་པོ་གཅིག།རོ་ནི་ཁ་ཞིང་ལྷོག་རིགས་ཀྱི།།གཉན་སྲིན་མ་ལུས་འཇོམས་པར་བྱེད།།(བཏོན་ན་སྟོང་བར་འགྱུར)
ལྷོག་དུག་སེར་པོ་སྲིབ་ལ་སྐྱེ།།རྩ་བ་ཐུང་ཞིང་ངར་བ་ཕྲརིང་ཐུང་སོར་བཞི་སོར་གསུམ་ཙམ།།འདབ་མ་ཆུང་ཞིང་རྩུབ་པ་ལ།།མེ་ཏོག་སེར་པོ་ངུར་ཐིག་ཅན།།རོ་ནི་ཁ་ཞིང་ལྷོག་པ་འཇོམས།།(འདི་ཡང་འཐུ་དུས་སྐེད་གཅོད་བྱ།)
ལུག་མིག་ནག་པོ་གཡའ་འདབ་སྐྱེ།།ངར་བ་ཆིག་སྐྱེས་དྲང་བ་སྟེ།།གང་བུ་འབྲས་བུས་རབ་ཏུ་གང༌།།རོ་ནི་ཚ་ཞིང་ཁ་བ་སྟེ།།ཕོ་ལོག་ལོང་སྲིན་རབ་ཏུ་འཇོམས།།
ལུག་ཆུང་བ་ནི་བྲག་སྲིབ་སྐྱེ།ལོ་མ་ཆུང་ཞིང་འཕུང་བ་འདྲ།།མེ་ཏོག་སྔོ་སྐྱ་པདྨ་འདྲ།།རོ་མངར་དྲི་མ་དུགས་པ་སྟེ།།དུག་དང་བད་ཀན་སྨུག་པོ་འཇོམས།།
ཛཱ་ཏི་ཀ་ནི་ཀླུང་དུ་སྐྱེ།།ལོ་མ་འབོལ་ཞིང་ངར་བ་ལྡེམ།།རིང་ཐུང་རྐང་རེ་ཁྲུ་རེ་ཙམ།།མེ་ཏོག་སྔོ་ཞིང་འབྲས་བུ་ནག།དྲི་མ་ཆེ་ལ་རོ་ནི་མངར།།སྐྲངས་དང་མ་ཞུ་སེལ་བ་དང༌།།རླུང་ནད་འཇོམས་པར་བྱེད་པའི་མཆོག།
སྒོག་སྐྱ་ལྡུམ་ར་དག་ཏུ་སྐྱེ།།ལོ་མ་ལྗང་འདབ་ལྟ་བུ་སྟེ།།རིང་ཐུང་མཁྱིད་རེ་མཛུབ་རེ་ཙམ།།རྩ་བ་རྡོག་འདྲིལ་རོ་ནི་ཚ།བད་རླུང་སྲིན་འཇོམས་རོ་ཙ་བྱེད།།
བཙོང་དམར་གཡའ་བཤལ་ལྡུམ་རར་སྐྱེ།།ལོ་མ་རིལ་བུ་སྦུབས་ཅན་སྟེ།།རིང་ཐུང་མཐོ་རེ་རྐང་རེ་ཙམ།།རྩ་བ་རྡོག་འདྲིལ་རོ་ནི་ཁ།།གྲང་རླུང་སེལ་ཞིང་རོ་ཙ་བྱེད།།
རི་སྒོག་པ་ནི་སྲིབ་ལ་སྐྱེ།།ལོ་མ་ལྗང་འདབ་ལྟ་བུ་སྟེ།།རིང་ཐུང་མཁྱིད་རེ་མཛུབ་རེ་ཙམ།།རྩ་བ་ཉེ་ཤིང་བ་དང་འདྲ།།རོ་ཚ་ནུས་པས་དྲོད་སྐྱེད་ཅིང༌།།རླུང་སྲིན་གྲང་བ་སེལ་བར་བྱེད།།
བཙོང་སྒོག་རི་དང་ལྡུམ་རར་སྐྱེ།།འདབ་མ་རིལ་བོ་སྦུབས་ཅན་སྟེ།།རིང་ཐུང་རྐང་རེ་ཁྲུ་རེ་ཙམ།།རོ་ཚ་སྲིན་ནད་ཆུ་སེར་དང༌།།མོ་ནད་སེལ་བར་བྱེད་པ་ཡིན།།
ལུག་སྒོག་རི་ཡི་ཉིན་ལ་སྐྱེ།།ལོ་མ་ལྗང་འདབ་ལྟ་བུ་སྟེ།།རིང་ཐུང་མཁྱིད་རེ་མཛུབ་རེ་ཙམ།།རྩ་བ་དབང་ལག་ཆ་འདྲ་ཙམ།།རོ་ཚ་ནུས་པས་སྐྲངས་དང་འབྲས།རླུང་སྙིང་གྲང་བ་སེལ་བར་བྱེད།
རི་སྒོག་པ་ནི་རི་ལ་སྐྱེ།འདབ་མ་ཁྱི་ལྕེ་ལྟ་བུ་སྟེ།།རིང་ཐུང་མཁྱིད་རེ་མཛུབ་རེ་ཙམ།།རྩ་བ་རེ་སྒོག་ལྟ་བུ་སྟེ།།རོ་ཚ་གྲང་རླུང་སེལ་བར་བྱེད།།
བྱི་ཚེར་རི་ཡི་ལྡན་ལ་སྐྱེ།ལོ་མ་ས་འབྱར་སྲད་ཆུང་འདྲ།།སྐྲངས་དང་ཆུ་སེར་ལྷོག་པ་འདུལ།།
ར་དུག་པ་ནི་ས་ངན་སྐྱེ།སྐྱེ་ལུགས་ཁྱི་ལྕེ་གཞན་དང་འདྲ།།ལོ་མ་སྡོང་པོའི་ལོགས་ལ་འབྱར།།ངར་བ་ཆིག་སྐྱེ་ཕྲ་བ་སྟེ།།རིང་ཐུང་སོར་བཞི་སོར་ལྔ་ཙམ།།མེ་ཏོག་དཀར་དམར་མང་བ་སྟེ།།གཉན་ནད་འཇོམས་པར་བྱེད་པ་ཡིན།།གཉན་སྲིན་སྨན་གྱི་སྡེ་ཚན་ནོ།།
ཟར་མ་ཞིང་སྐྱེས་ངར་བ་ཕྲ།།རིང་ཐུང་རྐང་རེ་ཁྲུ་རེ་ཙམ།།མེ་ཏོག་སྔོ་ཞིང་འབྲས་བུ་ལེགས།ཀླད་ནད་རླུང་ནད་སེལ་བར་བྱེད།།
སྲོ་མ་ཞིང་གསེབ་དྲི་མ་དུགས།།ངར་བ་གྲུ་བཞི་ལོ་མ་འབོལ།།འབྲས་བུ་རྩི་འཇམ་རོ་མངར་སྣུམ།།ཤུན་པ་གོས་དང་ཐག་པའི་རྒྱུ།མགོ་རླུང་ལ་སོགས་རླུང་ནད་འཇོམས།
མིག་སྨན་སངས་རྒྱས་ཚུ་འཇིབ་ས་ངན་དང༌།།ན་སྤང་འདྲེས་པའི་སྐམ་སར་སྐྱེ།ལོ་མ་ནག་རྩུབ་རྡོག་པོ་ཆུང༌།།རིང་ཐུང་སོར་བཞི་སོར་གསུམ་ཙམ།།མེ་ཏོག་དཀར་སྐྱ་མང་བ་སྟེ།།འབྲས་བུ་ནག་པོ་ཏིལ་འབྲུ་ཙམ།།མིག་ནད་ཐམས་ཅད་འཇོམས་པར་བྱེད།།
སེར་མགོ་སྲིབ་ཀྱི་ནང་དུ་སྐྱེ།།ལོ་མ་འབོལ་ཞིང་སྣུམ་པ་ལ།།ངར་བ་ཕྲ་ཞིང་དྲང་བ་སྟེ།།རིང་ཐུང་རྐང་རེ་ཁྲུ་རེ་ཙམ།།མེ་ཏོག་སྔོ་སྐྱ་འདབ་མ་ཆུང༌།།རོ་ནི་སྣུམ་ཞིང་གོ་སྙོད་འདྲ།།མིག་ནད་མ་ལུས་སེལ་བར་བྱེད།།
ཨུག་ཆོས་བྱེ་མའི་ཐང་ལ་སྐྱེ།།འདབ་མ་ས་འབྱར་ཉ་ག་ཅན།།རིང་ཐུང་སོར་བཞི་སོར་གསུམ་ཙམ།།མེ་ཏོག་དམར་པོ་ལེགས་པ་སྟེ།།རྣ་བའི་ནད་སེལ་སྦོས་པ་བཤིག།
ལ་ཕུག་ཞིང་དང་ལྡུམ་རར་སྐྱེ།ལོ་མ་ས་འབྱར་རྩུབ་པ་སྟེ།།རིང་ཐུང་མཐོ་རེ་མཛུབ་རེ་ཙམ།།རྩ་བ་རྡོག་འདྲིལ་རོ་ནི་ཚྭ།ཟས་ལེན་ཟས་འཇུ་དྲོད་སྐྱེད་ཅིང༌།།རྣ་བའི་ནད་རྣམས་སེལ་བར་བྱེད།།
སྤང་རྒྱན་དཀར་པོ་སྤང་ལ་སྐྱེ།།ངར་བ་ས་འབྱར་འདབ་མ་ཆུང༌།།རིང་ཐུང་སོར་བཞི་སོར་ལྔ་ཙམ།།མེ་ཏོག་དཀར་པོ་ར་དུག་འདྲ།།གྲེ་བའི་ནད་དང་གློ་ནད་སེལ།།
འཕང་མ་བྲག་དང་ནགས་ལྡེབས་སྐྱེ།།སྡོང་པོ་དཀར་ཞིང་ལོ་མ་ཆུང༌།།རིང་ཐུང་ཁྲུ་རེ་མདའ་རེ་ཙམ།།འབྲས་བུ་དམར་པོ་རོ་ནི་མངར།།སྙིང་གི་ཚད་པ་མོ་ནད་སེལ།།
ཏང་ཀུན་བྲག་དང་ནགས་གསེབ་སྐྱེ།།ལོ་མ་ལྗང་ནག་ངར་བ་ནག།རིང་ཐུང་རྐང་རེ་ཁྲུ་རེ་ཙམ།།མེ་ཏོག་སྐྱེ་ལུགས་སྤྲུ་དཀར་འདྲ།།དྲི་ཞིམ་སྙིང་ཚད་སེལ་བར་བྱེད།།
སྲོ་ལོ་དཀར་པོ་གཡའ་ལ་སྐྱེ།།ལོ་མ་ལྗང་སྐྱ་འཇམ་པ་ལ།།མེ་ཏོག་དཀར་ཞིང་ངར་བ་ཕྲ།།རིང་ཐུང་མཛུབ་རེ་མཁྱུད་རེ་ཙམ།།གློ་ནད་ཐམས་ཅད་སེལ་བར་བྱེད།།
བྱི་ཀྲོང་དཀར་པོ་སྤང་ལ་སྐྱེ།།འདབ་མ་གཅན་གཟན་སྨ་ར་འདྲ།།མེ་ཏོག་དཀར་ཆུང་སྤུངས་པ་འདྲ།།གློ་ཡི་ནད་ལ་ཕན་པར་བཤད།།
ལུག་མུར་ལུང་གྲོལ་①ཆུ་འགྲམ་སྐྱེ།།ངར་བ་སྤུ་ཅན་ལོ་མ་རྩུ་བ།།རིང་ཐུང་མཛུབ་རེ་མཐོ་རེ་ཙམ།།མེ་ཏོག་དམར་སྐྱ་མང་བ་སྟེ།།རྩ་བ་སྒོག་སྐྱའི་ཤུན་འདྲས་གཡོགས།གློ་གཅོང་སེལ་བའི་མཆོག་ཏུ་བཤད།།
ཀྱི་ལྕེ་དཀར་པོ་ཆུ་འགོ་ན་ལ་སྐྱེ།།ལོ་མ་ས་འབྱར་སྣུམ་པ་ལ།།མེ་ཏོག་དངུལ་དཀར་དྲིལ་བུ་འདྲ།།རིང་ཐུང་མཐོ་རེ་མཛུབ་རེ་ཙམ།།སྐྲངས་དང་ཆུ་སེར་གློ་རྣག་འདྲེན།།
པ་ཡག་པ་ནི་མུ་ལ་སྐྱེ།།ལོ་མ་ས་འབྱར་འདབ་བཞི་བ།།རིང་ཐུང་སོར་རེ་སོར་དོ་ཙམ།།མེ་ཏོག་སྔོ་དམར་སྲན་མ་འདྲ།།འབྲས་བྱ་སྙིང་གི་དབྱིབས་དང་མཚུངས།།རྩ་བ་དཀར་ཞིང་ཕྲ་བ་སྟེ།།རྩ་བ་ལོ་མ་མེ་ཏོག་འབྲས།།རིམ་པས་གློ་ནད་ལྤགས་ནད་སེལ།།མཆིན་ནད་མོ་ནད་སེལ་བར་བྱེད།།
སྲད་དཀར་ན་དང་ཚིགས་ལ་སྐྱེ།།ལོ་མ་སྲད་མ་ལྟ་བུ་ལ།།སྐྱེ་ཕོན་ཉུང་ཞིང་མེ་ཏོག་དཀར།།རིང་ཐུང་མཛུབ་རེ་མཐོ་རེ་ཙམ།།གློ་བའི་ནད་པ་སེལ་བར་བྱེད།།
སྙི་བ་སེ་བ་སྐྱེར་བ་དང༌།།བྲ་མ་ལ་སོགས་འཁྲིལ་ནས་སྐྱེ།།འདབ་མ་ཆུང་ཞིང་ངར་བ་མཁྲང༌།།རིང་ཐུང་ཁྲུ་རེ་མདའ་རེ་ཙམ།།མེ་ཏོག་སྔོན་པོ་འདབ་ལྔ་བ།།བཅད་ན་ཞོ་འབྱུང་རྩ་བ་མངར།།ཕོ་མཆིན་སྨན་ཡིན་ཆམ་པ་སེལ།།
གཡའ་རྩི་བ་ནི་བྲག་སྲིབས་སྐྱེ།།ལོ་མ་སྣུམ་ཞིང་སྤུངས་པ་འདྲ།།མེ་ཏོག་སེར་པོ་པདྨ་འདྲ།།རོ་སྐྱུར་གློ་ནད་སེལ་བར་བྱེད།།
ཁུར་མང་ཞིང་གི་ཚིགས་ལ་སྐྱེ།།བཅད་ན་ཞོ་འབྱུང་རོ་ནི་ཁ།།ལོ་མ་ས་འབྱར་ཉ་ག་ཅན།།①གྲོལ་དང་སྲོལ་གཉིས་གང་ཡིན་མི་གསལ།
མེ་ཏོག་སེར་པོ་ངར་བ་ཕྲ།རིང་ཐུང་མཁྱིད་རེ་མཛུབ་རེ་ཙམ།།མཁྲིས་ནད་མ་ལུས་སེལ་བར་བྱེད།།
སྐྱབས་ནི་ཞིང་གི་གསེབ་ལ་སྐྱེ།འདབ་མ་ལྗང་སྐྱ་ཞོ་ཅན་སྟེ།།ངར་བ་དྲང་ཞིང་མེ་ཏོག་སེར།།རིང་ཐུང་ཁྲུ་རེ་མདའ་རེ་ཙམ།།རོ་ཁ་མཁྲིས་ནད་སེལ་བར་བྱེད།།
རྩྭ་མཁྲིས་ཞིང་ཚིགས་ཐང་ལ་སྐྱེ།ལོ་མ་སར་འབྱར་ཉ་ག་ཅན།།རིང་ཐུང་སོར་བཞི་སོར་ལྔ་ཙམ།།མེ་ཏོག་སེར་ཞིང་རོ་ནི་ཁ།།མཁྲིས་ནད་སེལ་བའི་མཆོག་ཏུ་བཤད།།
སྤང་ཚན་ཚིགས་དང་གད་ལྡེབས་སྐྱེ།འདབ་མ་མཐུག་ཅིང་མེ་ཏོག་དཀར།།ངར་བ་མང་ཞིང་སྐྱེ་ཕོན་ཆེ།།རིང་ཐུང་མཁྱིད་རེ་མཛུབ་རེ་ཙམ།།སྐྲངས་འདུལ་སྐྲན་བཤིག་གློ་ནད་སེལ།།
དར་ཡ་ཀན་ནི་བྲག་སྨད་སྐྱེ།ལོ་མ་ཕྲད་པོ་ངར་བ་དྲང༌།།རིང་ཐུང་ཁྲུ་རེ་མདའ་རེ་ཙམ།།མེ་ཏོག་ལོ་བཙན་ཅུང་ཟད་འདྲ།།རྨ་དུག་གློ་རྣག་ལ་སོགས་འདྲེན།།
མཆིན་པ་བཅད་འབྱོར་སྤང་སྲིབས་སྐྱེ།རིང་ཐུང་སོར་རེ་སོར་དོ་ཙམ།།ལོ་མ་འཁོར་ལོ་ལྟུ་བུ་ཟླུམ།།མེ་ཏོག་སེར་པོ་གཉའ་གུག་པ།།ནག་པོའི་རི་མོ་བཀྲ་བ་སྟེ།།རོ་ནི་མངར་ཞིང་མངལ་བ་ལ།།མཆིན་ནད་མ་ལུས་སེལ་བར་བྱེད།།
བྲེ་ཁ་བ་ནི་སྲིབས་ལ་སྐྱེ།འདབ་མ་ཆུང་ཞིང་མེ་ཏོག་དཀར།།ངར་བ་ཆིག་སྐྱེས་ཕྲ་བ་སྟེ།།རིང་ཐུང་སོར་བཞི་སོར་ལྔ་ཙམ།།གང་བུ་རིལ་མོ་པད་ཁ་འདྲ།།འབྲས་བུ་དམར་ལེབ་རོ་སྣུམ་ཚྭ།མཆིན་པའི་ནད་དང་བད་ཀན་སེལ།།
བྲ་བོ་རི་དང་ལྡུམ་རར་སྐྱེ།ལོ་མ་དམར་ལྗང་འཁོར་ལོ་འདྲ།།འབྲས་བུ་ཟུར་གསུམ་རོ་ནི་མངར།།སྦོ་འཁྲོག་རྒྱུ་ལོང་ནད་རྣམས་སེལ།།
བ་ལུ་ནག་པོ་སྲིབས་སྟོད་སྐྱེ།།འདབ་མ་སྣུམ་ཞིང་ཕྲ་བ་ལ།།མེ་ཏོག་སྔོ་དམར་དྲི་ཞིམ་པ།།རིང་ཐུང་མདའ་རེ་འདོམ་རེ་ཙམ།།ཕོ་བའི་དྲོད་སྐྱེད་བད་ཀན་དང༌།།རྒྱུ་ལོང་མཁལ་སྐེད་གྲང་བཡ་སེལ།།
མཁན་པ་དཀར་པོ་གཡའ་སྨད་སྐྱེ།ལོ་མ་ས་འབྱར་སྐྱ་ལ་སྤུན།།རིང་ཐུང་མཛུབ་རེ་མཐོ་རེཙམ།།མེ་ཏོག་སེར་ཞིང་དྲི་མ་དྭངས།།སྐྲངས་འདུལ་རྨ་འབྲས་རྒྱུ་ལོང་ཕན།།
བྲེག་རིགས་གཅིག་ཞིང་ནང་སྐྱེ།།ལོ་མ་ས་འབྱར་ཉ་ག་ཅན།།མེ་ཏོག་དཀར་ཆུང་མང་བ་སྟེ།།རྒྱ་བྲེའི་གང་བུ་མཁལ་ཁུག་འདྲ།།བོད་བྲེའི་གང་བུ་ཟུར་གསུམ་པ།།རྒྱ་བྲེས་གློ་དང་མཁལ་ནད་སེལ།།བོད་བྲེས་སྐྱུག་པ་མ་ལུས་གཅོད།།འདི་ལོ་སོ་ཁ་བ་①ཞེས་གྲགས།།
①སོ་ཁ་བ་ཞེས་པ་སོག་ཀ་བ་ཡིན་སྙམ།
②ཆུ་རུག་གཡའ་ཡི་ཆུ་འགྲམ་སྐྱེ།ལོ་མ་སྔོ་དམར་སྤུངས་པ་འདྲ།།མེ་ཏོག་སྔོ་སྐྱ་སྲད་མ་འདྲ།།རྩ་བ་འཁྱོག་ཅིང་རོ་ནི་མངར།།རིང་ཐུང་སོར་བཞི་སོར་ལྔ་ཙམ།།ནུས་པས་རྒྱུས་པའི་ཚད་པ་སེལ།།
        ལུག་ངལ་བ་ནི་ཞིང་ཚིགས་སྐྱེ།།མེ་ཏོག་ངུར་ཁ་སྤུ་ཤུད་མགོ།ངར་བ་གཅུད་འདྲ་དྲི་མ་དུགས།།རིང་ཐུང་ཁྲུ་རེ་མདའ་རེ་ཙམ།།ཁྱི་སྨྱོན་དུག་དང་ཚད་པ་དང༌།།ཡན་ལག་སྐྲངས་པ་མ་ལུས་སོ།།
སྙ་ལོ་སྲིབས་ཀྱི་སྟོད་སྨད་སྐྱེ།།ལོ་མ་ལྗང་སེར་ངར་བ་དམར།རིང་ཐུང་རྐང་རེ་ཁྲུ་རེ་ཙམ།།མེ་ཏོག་དཀར་ཞིང་རོ་བསྐ་སྐྱུར།།ནུས་པས་རྒྱུ་ལོང་ནད་སེལ་ཞིང༌།།བུ་སྐྱེས་རྗེས་ཀྱི་རླུང་ཡང་འཇོམས།།
གཡའ་ཀྱི་མོ་ནི་རྫ་སྲུབས་སྐྱེ།ངར་བ་ཕྲ་ཞིང་མེ་ཏོག་ཆུང༌།།རིང་ཐུང་མཁྱིད་རེ་མཛུབ་རེ་ཙམ།།འདབ་མ་ལྡུམ་ཆུང་སྤུངས་པ་འདྲ།།རོ་ནི་ཁ་ཞིང་སྐྱུག་བྱེད་ཅིང༌།།མཁྲིས་ཚད་མ་ལུས་སེལ་བའི་མཆོག།།
འུ་སུ་རི་དང་ལྡུམ་རར་སྐྱེ།སྡོང་པོ་འཁྱོག་ཅིང་མེ་ཏོག་དཀར།།རིང་ཐུང་རྐང་རེ་ཁྲུ་རེ་ཙམ།།ལོ་མ་ཕྲ་སིབ་གཏོར་བ་འདྲ།།འབྲས་བུ་གའུ་ཁ་སྦྱོར་འདྲ།།རོ་ནི་བསྐ་སྐྱུར་གཞང་འབྲུམ་དང།།བད་ཀན་སྨུག་པོ་སེལ་བར་བྱེད།།
བྱ་རྒོད་སྤོས་ནི་གཡའ་སྟོད་སྐྱེ།ལོ་མ་སྣུམ་ཞིང་དྲི་མ་དུགས།། མེ་ཏོག་སྔོན་པོ་བྱ་མགོ་འདྲ།།རིང་ཐུང་མཁྱིད་རེ་མཛུབ་རེ་ཙམ།། གདོན་འདུལ་རིམས་ཚད་བསྲུང་ཞིང་སེལ།།
སེར་པོ་ཁྲག་རྐང་རི་ཐང་མཚམས།།ན་ཤག་འདྲེས་པའི་ཆུ་འགྲམ་སྐྱེས།།ལོ་མ་ས་འབྱར་ལུག་ཆུང་འདྲ།།མེ་ཏོག་དབྱིབས་ནི་སྲན་མ་འདྲ།།ཁ་དོག་སེར་པོ་ངར་བ་ཕྲ།།རིང་ཐུང་རྐང་རེ་ཁྲུ་རེ་ཙམ།།རྩ་བ་སེར་པོ་ཁྲག་རྐང་འདྲ།།རོ་མངར་ཚ་བ་རྒྱུ་གཟེར་དང༌།།མ་སྨིན་འབྱེད་པའི་སད་མདའ་མཆོག།
འབམ་སྤོས་རི་སྤང་སྐམ་སར་སྐྱེས།།ལོ་མ་ས་འབྱར་འཁྲུག་འཁྲུག་གོ།མེ་ཏོག་ཕྲ་ཞིང་ངར་བ་དྲང།།རིང་ཐུང་སོར་བཞི་སོར་ལྔ་ཙམ།།དྲི་མ་དུགས་ཆེ་མགོ་རྨ་དང༌།།སྐྲངས་དང་ཁོང་འབྲས་འཇིགས་པར་བྱེད།།རྒྱུས་པར་མདེའུ་ཟུག་པ་འབྱིན།།
འབྲི་མོག་པ་ནི་མུ་ལ་སྐྱེ།ཚིགས་དང་བྱེ་མ་ལ་ཡང་སྐྱེས།།ལོ་མ་ལྗང་སྐྱ་རྩུབ་པ་སྟེ།།རྩ་བ་མེ་ཏོག་དམར་བ་ཡིན།།རིང་ཐུང་རྐང་རེ་ཁྲུ་རེ་ཙམ།།དེ་ལ་འབྲི་མོག་ནག་པོ་ཟེར།།མཁྱིད་རེའམ་མཛུབ་རེ་ངར་བ་ཕྲ།ལོ་མ་སྦུ་ཅན་འབྲི་མོག་དཀར།།དཀར་པོ་གློ་དང་ཁྲག་རླུང་དང༌།།འགྲམས་དང་ཁྲག་ལ་མཆོག་ཏུ་བསྔགས།།
སྒ་ཆུང་བ་ནི་མུ་ལ་སྐྱེ།ངར་བ་ས་འབྱར་དམར་པོ་ལ།།ལོ་མ་གྲོ་མ་ཅུང་ཟད་འདྲ།།རིང་ཐུང་མཛུབ་རེ་མཐོ་རེ་ཙམ།།མེ་ཏོག་སེར་ལ་རོ་ནི་མངར།།ཤ་དུག་འཇོམས་ཤིང་བད་ཀན་སེལ།།
བྱི་ཟན་སི་ནི་ཐང་ཕོན་སྐྱེ།།ལོ་མ་སྲད་ཆུང་ཞིབ་མོ་ལ།།ངར་བ་ས་འབྱར་མེ་ཏོག་སྔོ།རིང་ཐུང་མཁྱིད་རེ་མཛུབ་རེ་ཙམ།།གང་བུ་གླང་གི་རྭ་ཅོ་འདྲ།།འབྲས་བུ་ལེབ་ཅིང་རོ་ནི་མངར།།ཤུ་ཐོར་ཐམས་ཅད་འཇོམས་པར་བྱེད།།
གླ་བ་སྲད་མ་རི་སྟོད་སྐྱེ།ལོ་མ་འབོལ་པོ་སྤུ་ཅན་སྐྱེ།སྐྱེ་ཕོན་སྲན་མ་རེ་ལྕག་འདྲ།།རིང་ཐུང་རྐང་རེ་ཁྲུ་རེ་ཙམ།།མེ་ཏོག་སྲན་མ་ཅུང་ཟད་འདྲ།།གང་བུ་ཆེན་མོ་མཁལ་མ་འདྲ།།རོ་མངར་ནུས་པས་རྨ་དང་ནི།།ཁྱི་སྨྱོན་དུག་ལ་མཆོག་ཏུ་བསྔགས།།
ཏིལ་ཤིང་བྲག་གི་སྲིབ་ལ་སྐྱེ།ལོ་མ་ཕྲ་ཞིང་གཏོར་བ་འདྲ།། མེ་ཏོག་དཀར་ཞིང་རོ་ནི་མངར།།འབྲས་བུ་ནག་ལེས་ནུས་པ་ཡིས།། བད་ཀན་ལྷེན་ཐབས་འཇོམས་པའི་མཆོག།
ཀོ་སྙེ①བ་ནི་ན་སྤང་སྐྱེས།།ལོ་མ་ལྗང་ནག་རྐོ་མ་མཆུ།།མེ་ཏོག་སྔོན་པོ་དྲིལ་བུ་འདྲ།།ངར་བ་ཕྲ་ཞིང་དྲང་བ་སྟེ།།རིང་ཐུང་མཐོ་རེ་རྐང་རེ་ཙམ།།ལྦ་བ་འཇོམས་པའི་མཆོག་ཏུ་བཤད།།
ཀ་བ་ར་ཞིང་ཚིགས་སྐྱེ།།ལོ་མ་འཁོར་ལོ་རྩིབས་རིང་འདྲ།། ངར་བ་གྲུ་བཞི་དྲི་མ་དུགས།།རིང་ཐུང་མཐོ་རེ་རྐང་རེ་ཙམ།།མེ་ཏོག་དཀར་སེར་བྱ་མགོ་འདྲ།།འབྲས་བུ་ནག་པོ་མར་ཁུ་འབྱུང༌།།རོ་ནི་མངར་སྣུམ་གྲང་རླུང་སེལ།།
ཟི་ར་ནག་པོ་མུ་ལ་སྐྱེ།།ལོ་མ་སྣུམ་ཞིང་དྲི་མ་དུགས།།ངར་བ་ནག་ཅིང་མེ་ཏོག་སྔོ།།རིང་ཐུང་མཐོ་རེ་རྐང་རེ་ཙམ།།འབྲས་བུ་ནག་པོ་ཟུར་གསུམ་པ།།ཕོ་བའི་དྲོད་བསྐྱེད་གཟའ་ནད་འཇོམས།།
སྟོང་རི་ཟིལ་བ་གཡའ་སྨད་སྐྱེ།།འདབ་མ་ཚིགས་དམ་ཆུ་ཟིལ་ཆགས།།རྩ་བ་དམར་ཞིང་དྲི་མ་དུགས།།རིཁང་ཐུང་མཐོ་རེ་མཛུབ་རེ་ཙམ།།མེ་ཏོག་སེརཕོ་སྲད་མ་འདྲ།།མགོ་རྨ་ཁྲག་དང་ཆུ་སེར་དང༌།།བད་ཀན་སྨུག་པོ་འཇོམས་པའི་མཆོག།
ལུག་ངལ་དཀར་པོ་ཆུ་འགྲམ་སྐྱེ།།ལོ་མ་འབོལ་ཞིང་ངར་བ་ཕྲ།།རིང་ཐུང་མཁྱིད་རེ་མཛུབ་རེ་ཙམ།།འབྱར་བག་ཡོང་ཞིང་མེ་ཏོག་དཀར།།འབྲས་བུ་སྒྲོ་རྐང་རྣ་སྤབས་འདྲ།།རོ་ནི་མངར་ལ་ནུས་པ་ཡིས།།རླུང་གཟེར་འཇོམས་པའི་མཆོག་ཏུ་བཤད།།
རྒྱ་སྤོས་པ་ནི་མུ་ལ་སྐྱེ།འདབ་མ་ལུག་ཆུང་ལྟ་བུ་ལ།།ངར་བ་ཕྲ་ཞིང་མེ་ཏོག་སེར།།དྲི་ཞིམ་①སྙེ་དང་སྐེ་གང་ཡིན་མི་གསལ་ཡང་ཀོ་ཉེ་ཡིན་ནམ་དཔྱད།
དུག་དང་ཚད་རྙིང་སེལ།།
ཆུ་ཆུང་བ་ནི་གཡའ་ལ་སྐྱེ།།ལོ་མ་ཆིག་སྐྱེ་ལྡུམ་བུ་ལ།།རིང་ཐུང་སོར་རེ་སོར་དོ་ཙམ།།མེ་ཏོག་ཡོག་མགོ་འདྲ་བ་སྟེ།།ནུས་པས་མཇུག་སྲིན་སེལ་བར་བྱེད།།
སྲུབ་ཀ་སྐམ་སའི་མུ་ལ་སྐྱེ།།ལོ་མ་རྒྱབ་སྐྱ་སྤུ་ཅན་ལ།།མེ་ཏོག་དཀར་ཞིང་རོ་ནི་ཚ།།རིང་ཐུང་རྐང་རེ་ཁྲུ་རེ་ཙམ།།གྲང་སྐྲན་གྲང་བ་གྲང་ཆུ་འཇོམས།།
པི་ལིང་མུ་ཁུར་སྤང་ལ་སྐྱེ།།ལོ་མ་ལྗང་སེར་སྤུ་ཅན་སྟེ།།ངར་བ་གྲུ་བཞི་མེ་ཏོག་སྨུག།རིང་ཐུང་མཛུབ་རེ་མཐོ་རེ་ཙམ།།རྩ་བ་རྡོག་འདྲིལ་རོ་ནི་མངར།།འབྲས་རིགས་ཐམས་ཅད་འཇོམས་པར་བྱེད།།
སྤར་ལོ་སྤོར་ལོ་ཞིང་ཚིགས་སྐྱེ།།ལོ་མ་འབོལ་ཞིང་མེ་ཏོག་སྔོ།།ངར་བ་གྲུ་བཞི་དྲི་མ་དུགས།།རིང་ཐུང་རྐང་རེ་མཐོ་རེ་ཙམ།།རྩ་བ་རྡོག་གྱོང་ནུས་པ་ཡིས།།རྨ་ཁ་རུལ་བའི་ཉེས་སྐྱོན་སེལ།།འབྲས་དང་ཕོལ་མིག་རབ་ཏུ་འཇོམས།།
སྟག་ཆུང་བྲག་གི་སྲིབས་ལ་སྐྱེ།།ལོ་མ་ལྗང་འདབ་ལྟ་བུ་ལ།།མེ་ཏོག་སེར་ཞིང་དྲི་མ་དུགས།།རིང་ཐུང་རྐང་རེ་ཁྲུ་རེ་ཙམ།།འབྲས་བུ་གོ་སྙོད་ལྟ་བུ་ལ།།བད་ཀན་སྨུག་པོ་འཇོམས་པར་བྱེད།།
རྒྱ་ཤོ་བ་ནི་ལྡུམ་རར་སྐྱེ།།ལོ་མ་ལྗང་སེར་ཆེ་བ་ལ།།མེ་ཏོག་ངར་བ་ཤོ་ཆུང་འདྲ།།རིང་ཐུང་ཁྲུ་རེ་མདའ་རེ་ཙམ།།རྩ་བ་སེར་ཕོ་ཆུ་མ་འདྲ།།རྨ་དང་དུག་ནད་ཤུ་ཐོར་འཇོམས།།
སྣེའུ་སྔོན་པོ་ཞིང་ནང་སྐྱེས།།འདབ་མ་མཐུག་པོ་རྨོ་ལྕགས་འདྲ།འབྲས་བུ་རྨ་ཟིལ་གཡའ་ཟིལ་ཆགས།།རིང་ཐུང་མཛུབ་རེ་མཐོ་རེ་ཙམ།།རྨ་ལ་གནོད་ཅིང་འཇིག་པར་བྱེད།།རུས་པར་མདེའུ་ཟུག་པ་འཇོམས།།
ཡུ་མོ་མདེའུ་འབྱིན་གཡའ་སྟོད་སྐྱེ།།ལོ་མ་སྒོར་མོ་མཐུག་ལ་འབོལ།།མེ་ཏོག་སྔོ་སྐྱ་ལུག་མིག་འདྲ།།རིང་ཐུང་སོར་བཞི་སོར་ལྔ་ཙམ།།གང་བུ་ཟུར་མང་རྩ་བ་སེར།།རོ་མངར་ནུས་པས་བུ་ཚ་དང།།བུ་རོགས་འདོན་ཞིང་མདེའུ་འབྱིན།།
བྱི་བཟུང་མུ་དང་ཞིང་ལ་སྐྱེ།ངར་བ་ས་འབྱར་དམར་ལྗང་ལ།།རིང་ཐུང་མཐོ་རེ་མཛུབ་རེ་ཙམ།།འདབ་མ་ཕྲ་ཞིང་ཚེར་མ་ཡོད།།འབྲས་བུ་དམར་ཞིང་ནུས་པ་ཡིས།།སྐྲན་བཤིག་སྦོ་ནད་བར་བྱེད།།
འབལ་མོ་སྤང་ག་གད་ལྡེབས་སྐྱེ།ངར་བ་ཆིག་སྐྱེས་དྲང་བ་སྟེ།།རིང་ཐུང་རྐང་རེ་ཁྲུ་རེ་ཙམ།།ལོ་མ་ཕྲ་ཞིང་མེ་ཏོག་སེར།།རོ་ཁ་ནུས་པས་ཤ་དུག་དང༌།།ཁྲག་ནད་མ་ལུས་སེལ་བའི་མཆོག།
ལྕམ་པ་ལྷ་མོ་ཞིང་ནང་སྐྱེ།འདབ་མ་ལྡུམ་ཞིང་ངར་བ་ལྡེམ།།རིང་ཐུང་རྐང་རེ་ཁྲུ་རེ་ཙམ།།མེ་ཏོག་དམར་སྐྱ་འབྲས་བུ་ནི།།རྩིད་ཝའི་དབྱིབས་དང་འདྲ་བ་ལ།།མཁལ་ནད་སྐྲང་བ་ཆུ་སེར་སེལ།།
མེ་ཏོག་གསུམ་པ་ཡུར་ལྡེབས་སྐྱེ།།འདབ་མ་སྤེན་མ་ལྟ་བུ་ལ།།སྡོང་པོ་ཆུང་ཞིང་མེ་ཏོག་སེར།རོ་ཚ་གྲང་ནད་སྲིན་ནད་དང༌།།གྲེ་བའི་འབྲུམ་གཟེར་གག་པ་གཅོད།།
ལྕེ་ཚ་རིགས་གཅིག་འདམ་གསེབ་སྐྱེ།ལོ་མ་རྩེ་གསུམ་མེ་ཏོག་སེར།མྱུ་གུ་གྲོ་མའི་རྒྱང་ཐག་འདྲ།།རོ་ཙ་མ་ཞུ་གྲང་སྲིན་སེལ།།
ལྕེ་ཚ་རིགས་གཅིག་ནགས་ལ་སྐྱེ།ལོ་མ་རིལ་མོ་མེ་ཏོག་སེར།རིང་ཐུང་མཛུབ་རེ་མཐོ་རེ་ཙམ།།རོ་ཚ་གྲང་ནད་འོར་ནད་དང༌།།གྲེ་བའི་འབྲུམ་མཛེར་གག་པ་གཅོད།།
ལྕེ་ཚ་རིགས་གཅིག་རི་ཐང་མཚམས།།སྤང་དང་ན་ལ་སྐྱེ་བ་དེ།།ལོ་མ་སྤུ་ཅན་མེ་ཏོག་སེར།རིང་ཐུང་སོར་བཞི་སོར་ལྔ་ཙམ།།རོ་ཚ་ནུས་པ་གོང་ལས་ཞེ། །
དབྱི་མོང་དཀར་པོ་སྐམ་སར་སྐྱེ།།ལོ་མ་འཇམ་ཞིང་ངར་བ་ཕྲ།ཁ་མདོག་ལྗང་སེར་དྭངས་པ་དེ།།རིང་ཐུང་ཁྲུ་རེ་མདའ་རེ་ཙམ།།མེ་ཏོག་འདབ་བཞི་རོ་ནི་ཚ།།གྲང་བ་སྐྲན་དང་ཆུ་སེར་སེལ།།
དབྱི་མོང་ནག་པོ་ཞིང་ཚིགས་སྐྱེ།།སྐྱེ་ཚུལ་དེ་འདྲ་ཁ་དོག་ནག།སྐྲན་དང་གྲང་བ་ཆུ་སེར་སེལ།།
ལོ་བཙན་པ་ནི་ཞིང་ཚིགས་སྐྱེ།ལོ་མ་ཆེ་ཞིང་ཕྲ་དྲི་དུགས།།མེ་ཏོག་སྔོན་པོ་བྱ་མཆུ་བ།།རིང་ཐུང་ཁྲུ་མདའི་བར་གྱི་ཚད།།མངལ་ཁྲག་འཛག་གཅོད་ཤིག་ནད་སེལ།།
ཟངས་རྩི་བ་ནི་ཞིང་ནང་སྐྱེ།།ལོ་མ་ལྗང་ལ་འཁྲུག་འཁྲུག་གོ།འབྲས་བུ་སྤུངས་ཞིང་ངར་བ་ལྡེམ།།རིང་ཐུང་རྐང་རེ་མཐོ་རེ་ཙམ།།མེ་འཚིག་རྨ་ལ་མཆོག་ཏུ་བསྔགས།།
སྔོ་གྲེས་①སྤང་དང་སྐམ་སར་སྐྱེ།འདབ་མ་ལེབ་ཅིང་འབྲས་བུ་འཕུངས།།མེ་ཏོག་སྔོན་པོ་ཨུག་ཆོས་འདྲ།།རིང་ཐུང་མཐོ་རེ་མཛུབ་རེ་ཙམ།།མེས་འཚིག་རྨ་དང་སྲིན་ནད་སེལ།།
ཆུ་ནང་སྐྱིས་པའི་ཉ་ལྕིབས་ནི།།མེས་འཚིག་རྨ་ལ་མཆོག་ཏུ་བསྔགས།།
སེར་ཤ་གསེར་མདོག་སྤང་ལ་སྐྱེ།འཁྲུ་གཅོད་ཤ་དུག་ཆུ་སེར་ཕན།།
དཀར་ཤ་དངུལ་མདོག་ལུད་ལ་སྐྱེ།།རིམས་དང་གཉན་ནད་སེལ་བར་བྱེད།།
①འདྲེས་དང་གྲེས་གང་ཡིན་མི་གསལ།
དམར་ཤ་ཟངས་མདོག་ཤིང་ལ་སྐྱེ།།བསྲེག་པའི་ཐལ་བས་གྲེ་གག་སེལ།།
ནག་ཤ་ལྕགས་མདོག་ཀླུང་ལ་སྐྱེ།།འཁྲུ་བ་གཅོད་པའི་མཆོག་ཏུ་བཤད།།
ཕ་ཁོལ་མུ་ཏིག་མདོག་ཅན་ནི།།རྨ་གསོ་ཁྲག་གཅོད་རྩ་ཆད་མཐུད།།
བུམ་པ་གཡའ་དང་རྫ་ལ་སྐྱེ།།སྡོང་པོ་རྒྱན་(ཆ)བརྩེགས་པ་འདྲ།།དྲི་ཆེ་རོ་ཁ་སྲིན་ནད་སེལ།།
སྟར་བུ་སྣུམ་ཁྲོད་གྲམ་ལ་སྐྱེ།།ལོ་མ་སྐྱ་ཆུང་ཚེར་མ་ཅན།།རིང་ཐུང་རྐང་རེ་ཁྲུ་རེ་ཙམ།།རོ་སྐྱུར་རྣག་འདྲེན་བད་ཀན་སེལ།།
གྲོ་མ་མུ་དང་ན་ལ་སྐྱེ།།ལོ་མ་ས་འབྱར་འབོལ་བ་སྟེ།།རིང་ཐུང་སོར་བཞི་སོར་ལྔ་ཙམ།།རྩ་བ་རྡོག་འདྲིལ་མེ་ཏོག་སེར།།རླུང་མཁྲིས་སེལ་ཞིང་འཁྲུ་བ་གཅོད།།
སྲན་མ་གཡོ་ལོ་ལུད་ལ་སྐྱེ།མེ་ཏོག་སྤུ་ཅན་ཀོ་མ་མཆུ།།གལ་ག་འཁྱོག་ཅིང་མེ་ཏོག་སྔོ།།རིང་ཐུང་རྐང་རེ་ཁྲུ་རེ་ཙམ།།ནུས་པས་རྣག་སྐེམ་མོ་གསོ་ཞིང༌།།རྩ་བས་སོ་སྲིན་འཇོམས་པར་བྱེད།།
མཚེ་ནི་བྲག་སྐྱེ་མེ་ཏོག་དམར།།འདབ་མ་རིལ་མོ་རོ་ནི་སྐྱུར།།རིང་ཐུང་མཐོ་རེ་རྐང་རེ་ཙམ།།གློ་དང་སྐྲན་བཤིག་སྐྲངས་པ་འདུལ།།
གང་གཱ་ཆུང་ནི་གཡའ་ལ་སྐྱེ།།འདབ་མ་མཆོད་རྟེན་བང་རིམ་འདྲ།།རིང་ཐུང་སོར་རེ་སོར་ཕྱེད་ཙམ།།མེ་ཏོག་སྔོ་སྐྱ་སྦུག་མོ་སྟེ།།རིམས་དང་མགོ་ཆག་ཤ་དུག་སེལ།།
ཆུ་མ་རྩི་ནི་འདམ་གསེབ་སྐྱེ།།ལོ་མ་དམར་ལྗང་འཇམ་པ་ལ།།འབྲས་བུ་རྩུབ་ལ་འཕོངས་པ་སྟེ།།རིང་ཐུང་མཛུབ་རེ་མཐོ་རེ་ཙམ།།རོ་ནི་མངར་མངལ་ཆུ་སེར་དང༌།།སྦྱོང་སྨན་སྡེབས་པས་སྐྱུག་མི་སྲིད།།
  རམ་བུ་ན་དང་སྤང་ལ་སྐྱེ།།འདབ་མ་ས་འབྱར་སྲབ་ལ་འཇམ།།སྙེ་མ་སྨུག་པོ་ཕོན་ཚེ་འདྲ།།འབྲས་བུ་དམར་ཞིང་རོ་མངར་བསྐ།།འཁྲུ་བ་ཐམས་ཅད་གཅོད་པར་བྱེད།།
  དུར་བྱིད་མུ་ཡི་སྲིབས་ལ་སྐྱེ།།ཐར་ནུ་བ་དང་ཅུང་ཟད་འདྲ།།ངར་བ་ཆིག་སྐྱེས་འཁྱོག་པ་སྟེ།།རིང་ཐུང་རྐང་རེ་ཁྲུ་རེ་ཙམ།།འདབ་མ་ཞོ་ཅན་ཕྲ་འཇམ་སྟེ།།སྦྱོངས་སྨན་རྣམས་ཀྱི་རྒྱལ་པོར་བཤད།།
བྱ་རྐང་བ་ནི་སྲིབས་ལ་སྐྱེ།།ལོ་མ་ཕྲ་ཞིང་ངར་བ་འཁྱོག།རིང་ཐུང་རྐང་རེ་ཁྲུ་རེ་ཙམ།།མེ་ཏོག་སྔོན་པོ་བྱ་མཆུ་འདྲ།།ཚ་གྲང་གཉིས་ཀས་འཁྲུ་གཅོད་བྱེད།།
ཤུ་མུ་ཟ་ནི་ཞིང་ནང་སྐྱེ།ལོ་མ་སྲན་མའི་འདབ་འདྲ་ཆུང༌།།རིང་ཐུང་ཁྲུ་རེ་རྐང་རེ་ཙམ།།མེ་ཏོག་སེར་པོ་སྲན་མ་འདྲ།།གང་བུ་སྲབ་མོ་སོ་ཐར་རིས།།འབྲས་བུ་གྲུ་བཞི་ནུས་པ་ཡིས།།གློ་རྣག་འཁྲུ་བ་ཐམས་ཅད་གཅོད།།
ལྕུམ་ནི་རི་དང་ལྡུམ་རར་སྐྱེ།།ལོ་མ་ལྗང་ནག་ཤིན་ཏུ་ཆེ།།སྡོང་པོ་སྦུབས་སྟོང་མི་ཚད་ཙམ།།འབྲས་བུ་ངར་བ་ཤོ་བུམ་འདྲ།།རྩ་བ་སེར་ཞིང་རོ་ནི་སྐྱུར།།ནུས་པས་རྨ་དང་བད་ཀན་དང༌།།འཁྲུ་སྐྱུགས་གཉིས་ཀ་བྱེད་པ་ཡིན།།
ཁྲོན་བུ་ན་ཡི་སྟོད་དུ་སྐྱེ།།ཐར་ནུ་བ་དང་ཅུང་ཟད་འདྲ།།འདབ་མ་ས་འབྱར་ཕྲ་བ་ལ།།རིང་ཐུང་སོར་བཞི་སོར་ལྔ་ཙམ།།བཅད་ན་ཞོ་འབྱུང་སྦྱོངས་སྨན་ཡིན།།
སྔོན་བུ་རི་སྟོད་སྤང་ལ་སྐྱེ།།ལོ་མ་ས་འབྱར་སྤུ་ཅན་ལ།།བཅད་ན་ཞོ་འབྱུང་ངར་བ་ཕྲ།རིང་ཐུང་སོར་བཞི་སོར་ལྔ་ཙམ།།མེ་ཏོག་སྔོན་པོ་དྲིལ་བུ་ཁ།།ཆུ་སེར་ཚ་གྲང་གཉིས་ཀ་འཇོམས།།
སྤོར་ཆུང་སྤང་གོང་དག་ཏུ་སྐྱེ།།ངར་བ་ས་འབྱར་སྤུ་སྤུངས་པ།།རིང་ཐུང་སོར་བཞི་སོར་ལྔ་ཙམ།།མེ་ཏོག་སྔོ་སྐྱ་ཞོ་ཅན་སྟེ།།ནུས་པ་སྤོར་ཆེན་ཙམ་དུ་མཚུངས།།
སྤོར་ཆེན་ཚིགས་དང་གད་ལྡེབས་སྐྱེ།།ལོ་མ་ས་འབྱར་རྐོ་མ་མཆུ།།བཅད་ན་ཞོ་འབྱུང་ངར་བ་ཕྲ།།རིང་ཐུང་མཁྱིད་རེ་མཛུབ་རེ་ཙམ།།མེ་ཏོག་དམར་སྨུག་ར་ཕོར་འདྲ།།མོ་ནད་སོགས་ཀྱི་སྦྱོང་སྨོན་ཡིན།།
ཐ་རམ་པ་ནི་སྐམ་སར་སྐྱེ།ལོ་མ་སར་འབྱར་འོར་མཐིལ་འདྲ།།འབྲས་བུ་ལྕགས་འབྲས་འགྲིལ་བ་འདྲ།།འཁྲུ་བ་གཅོད་པའི་སྨན་གཅིག་ཡིན།།
རེ་ལྕག་པ་ནི་གྲམ་ལ་སྐྱེ།།ལོ་མ་ཟླུམ་ཞིང་ངར་བ་ཕྲ།།རིང་ཐུང་རྐང་རེ་ཁྲུ་རེ་ཙམ།།མེ་ཏོག་དཀར་ཆུང་མང་བ་སྟེ།།རོ་ནི་ཚ་རྩུབ་འཇམ་རྩིའི་སྨན།།སྦྱོངས་འཁྱིལ་ཤྭ་ཐོར་གཉན་ནད་སེལ།།
རི་ཤོ་གཡའ་ཡི་འདབ་ལ་སྐྱེ།།ལོ་མ་མཐུག་ཅིང་གྱོང་པ་ལ།།མེ་ཏོག་སེར་པོ་གཉའ་གུག་པ།།རིང་ཐུང་མཐོ་རེ་མཛུབ་རེ་ཙམ།།དྲི་མ་དུགས་ཆེ་སྐྱུགས་སྨན་མཆོག།
ཐར་ནུ་བ་ནི་སྲིབ་ལ་སྐྱེ།།ལོ་མ་སྣུམ་ཞིང་ངར་བ་ཕྲ།།སྐྱེ་ཕོན་སྲན་མ་རེ་ལྕག་འདྲ།།རིང་ཐུང་མཐོ་རེ་རྐང་རེ་ཙམ།།བཅད་ཞོ་འབྱུང་ཞིང་གཉན་སྲིན་འཇོམས།།སྦྱོངས་སྨན་ཡིན་མོད་ཁཎྡ་མཆོག།
མྱང་རྩི་སྤྲས་ནི་ཁུར་ཆུང་ཡིན།།ཞིང་གི་ཚིགས་དང་གད་ལྡེབས་སྐྱེ།།ལོ་མ་ས་འབྱར་ཉ་ག་ཅན།།རིང་ཐུང་སོར་བཞི་སོར་ལྔ་ཙམ།།མེ་ཏོག་སེར་པོ་ཁུར་མང་འདྲ།།བཅད་ན་ཞོ་འབྱུང་རོ་ནི་ཁ།།ནུས་པས་མཁྲིས་པ་སེལ་བ་དང༌།།སྦྱོངས་སྨན་སྡེབས་ན་འབྱམས་མི་སྲིད།།
རྐྱང་གཤོག་པ་ནི་ན་ལ་སྐྱེ།།ལོ་མ་ས་འབྱར་མཐུག་ལ་སྣུམ།།མེ་ཏོག་དམར་སེར་ངར་བ་ཕྲ།།རིང་ཐུང་སོར་བཞི་སོར་ལྔ་ཙམ།།གང་བུ་ཟུར་མང་བསྲུབས་(སྲུབ)མ་འདྲ།།རོ་མངར་སྐྱུག་སྨན་མཆོག་ཏུ་བཤད།།
སྤྱང་ཚེར་བ་ནི་སྐམ་ལ་སྐྱེ།།ལོ་མ་གྱོང་རྩུབ་ཉ་ག་ཅན།།ངར་བ་སྦུབས་ཆེ་འབྲས་བུ་འཁྲུངས།།རིང་ཐུང་ཚོན་རེ་ཚོན་དོ་ཙམ།།ཐམས་ཅད་ཚེར་མའི་རང་བཞིན་ཅན།།སྐྱུག་སྨན་མཆོག་ཏུ་བཤད་པ་ཡིན།།
ལྕགས་ཀྱུ་བ་ནི་གད་ཚིགས་སྐྱེ།།རིང་ཐུང་རྐང་རེ་ཁྲུ་རེ་ཙམ།།འདབ་མ་ལྗང་ནག་ཕྲ་ལ་སིབ།།རྩ་བ་སེར་ཞིང་རོ་ནི་ཁ།།མེ་ཏོག་མདངས་མེད་རྩེའུ་འབྲུ་ཅན།།གང་བུ་སྐྱོགས་མོ་ལྕགས་ཀྱུ་ཅན།།ནུས་པས་རིམས་དང་ཚ་བ་དང༌།།བད་ཀན་སྨུག་པོ་འཇོམས་པར་བྱེད།།
ཟིན་ཏིག་རྫ་ཡི་སྟོད་དུ་སྐྱེ།།འདབ་མ་ལུག་ཆུང་ལྟ་བུ་ལ།།མེ་ཏོག་སེར་པོ་ལོགས་ནག་གོ།རིང་ཐུང་མཁྱིད་རེ་མཛུབ་རེ་ཙམ།།སྐྱུག་སྨན་རྣམས་ཀྱི་གཙོ་བོ་ཡིན།།
ཛཾ་བྷི་རྣ་ནི་གཙང་འཁྲིས་སྐྱེ།།ཡུར་བ་ཆེན་པོའི་ནང་དུ་སྐྱེ།།ངར་བ་ཆིག་སྐྱེས་དྲང་བ་སྟེ།།རིང་ཐུང་མཐོ་རེ་རྐང་རེ་ཙམ།།མེ་ཏོག་དམར་སྨུག་མང་བ་ལ།།ཚེར་མ་རྣོ་ཞིང་མེ་ཏོག་སེར།།རོ་ནི་མངར་ཞིང་ནུས་པ་ཡིས།།རིམས་ནད་ལྕི་འཐིབས་ཐམས་ཅད་སེལ།།
འདམ་བུ་ཀ་ར་ཆུ་ནང་སྐྱེ།།རོ་མངར་ངར་བ་ཟོར་བ་འདྲ།།རིང་ཐུང་མཁྱིད་རེ་མཛུབ་རེ་ཙམ།།མཆིན་ཚད་རུས་ཚད་སྨུག་པོ་དང༌།། མཚོན་གྱིས་ཕོག་པའི་གློ་ནད་སེལ།།
ཨ་ཀྲོང་རི་ཡི་སྲིབས་ལ་སྐྱེ།ངར་བ་ནག་ཅིང་ཟིལ་བ་ཆགས།མེ་ཏོག་སེར་ཞིང་དྲི་མ་ཆེ།རིང་ཐུང་རྐང་རེ་ཁྲུ་རེ་ཙམ།།ནུས་པས་གློ་ནད་སེལ་བར་བྱེད།།
བྱེ་སྒོག་པ་ནི་ཞིང་ནང་སྐྱེ།།ངར་བ་ཕྲ་ཞིང་འཁྱུལ་བ་སྟེ།།རིང་ཐུང་མཐོ་རེ་རྐང་རེ་ཙམ།།འབྲས་བུ་ནག་རྩུབ་འདབ་མ་ཆུང༌།།རྩ་བ་སེར་ཞིང་རོ་ནི་མངར།།རྨ་རྣམས་ཐམས་ཅད་འཚོ་བར་བྱེད།།
རླུན་བུ་སྲིབས་ཀྱི་སྨད་དུ་སྐྱེ།།ངར་བ་ས་འབྱར་ལོ་མ་རྩུབ།།རིང་ཐུང་སོར་བཞི་སོར་ལྔ་ཙམ།།གལ་ག་མང་ཞིང་མེ་ཏོག་སྔོ།།①ནད་གསོ་བའི་མཆོག་ཏུ་བཤད།།
         བསྣན་པ་གཡོ་ལོ་(ནད་མ་གཡུ་ལོ)ལྗོངས་སུ་སྐྱེ།།ལོ་མ་ས་འབྱར་རྩུབ་པ་སྟེ།།རིང་ཐུང་མཁྱིད་རེ་མཛུབ་རེ་ཙམ།།མེ་ཏོག་སྔོན་པོ་འཕུངས་པ་སྟེ།།རྩ་བའི་མཚམས་ན་བ་ལོག་②ཡོད།།རྨ་ནད་གསོ་བར་བྱེད་པ་ཡིན།།
①ཡི་གེ་མི་གསལ།
②མོག་དང་ལོག་གང་ཡིན་མི་གསལ།
བྱིའུ་ཀླད་མཚོ་ཞིང་ནང་སྐྱེ།།ངར་བ་གྲུ་བཞི་ལོ་མ་ལྡུམ།།རིང་ཐུང་མཁྱིད་རེ་མཛུབ་རེ་ཙམ།།མེ་ཏོག་དམར་ཞིང་ཆུང་བ་སྟེ།།རྨ་ནད་གསོ་བའི་མཆོག་ཡིན་ནོ།།
ཉ་ཏིག་པ་ནི་འདམ་ལ་སྐྱེ།ངར་བ་ས་འབྱར་ལོ་མ་ཆུང༌།།རིང་ཐུང་མཁྱིད་རེ་མཛུབ་རེ་ཙམ།།མེ་ཏོག་དཀར་ཆུང་མང་བ་སྟེ།།ཁྲག་གཅོད་ཀུན་གྱི་རྒྱལ་པོ་ཡིན།།
བོང་རྣ་བ་ནི་བྲག་ལ་སྐྱེ།།འདབ་མ་གཅིག་སྐྱེས་བོང་རྣ་འདྲ།། འབྲས་བུ་གཅིག་སྐྱེས་ཆུང་བ་སྟེ།།རྨ་ཡི་ཟུག་གཟེར་ཐམས་ཅད་གཅོག།
མདེའུ་འབྱིན་གཅིག་ནི་བྲག་ལ་སྐྱེ།།ལོ་མ་ལུག་ཆུང་ལྟ་བུ་སྟེ།། ངར་བ་ཕྲ་ཞིང་འཁྱོག་པཡིན།།རིང་ཐུང་མཛུབ་རེ་མཐོ་རེ་ཙམ།།མེ་ཏོག་དམར་པོ་པུ་ཤུད་མགོ།རྨ་ཡི་འཁྲུད་བྱེད་རུས་སྐྱོན་སེལ།།
  ཨ་བྱག་ཚེར་སྔོན་སྤང་སྲིབས་སྐྱེ།།སྐྱེ་ཕོན་སྲན་མ་རེ་ལྕག་འདྲ།། རིང་ཐུང་མཁྱིད་རེ་མཛུབ་རེ་ཙམ།།འབྲས་བུ་ལུག་ཐུག་རླིག་པ་འདྲ།། ཚེར་མ་མང་ཞིང་མེ་ཏོག་སྔོ།།མགོ་རྨ་གཟེར་ཐུང་སེལ་བབི་མཆོག།
  ཁྲོག་འཆོལ་བ་ནི་ཤག་གསེབ་སྐྱེ།ལོ་མ་ས་འབྱར་ཉ་ག་ཅན།། འབྲས་བུ་འཕུངས་ཞིང་སྤྲ་བ་ཅན།།བུད་མེད་མངལ་ཁྲག་སྐེམས་པར་བྱེད།།
  ཁྲོག་ཆུང་བ་ནི་སྐམ་སར་སྐྱེ།འདབ་མ་ས་འབྱར་སྤྲ་བ་ཡོད།།མེ་ཏོག་རས་མདོ་བསྒྲིལ་བ་འདྲ།།ངར་བ་མཛུབ་རེ་མཁྱིད་རེ་ཙམ།།ཁྲག་གཅོད་མཆོག་ཏུ་བཤད་པ་ཡིན།།
  རམ་བུ་མུ་དང་ཀླུང་དུ་སྐྱེས།།འདབ་མ་ལྗང་འདབ་ངར་བ་དྲང༌།།སྙེ་མ་ཕོན་ཚེ་འདྲ་བ་ལ།།རིང་ཐུང་རྐང་རེ་ཁྲུ་རེ་ཙམ།།རྩ་བ་ཚིགས་མང་འབྲེལ་བ་སྟེ།།ཁྲག་གཅོད་ཀུན་གྱི་གཙོ་བོ་ཡིན།།
  རྩི་དམར་རྐང་གཅིག་སྤང་གསེབ་སྐྱེ།།གཞི་མ་སྤང་ཕྲོམ་ལྟ་བུ་ལ།།ངར་བ་ཆིག་སྐྱེས་མང་དུ་ཡོད།།རིང་ཐུང་སོར་དོ་སོར་གསུམ་ཙམ།།ལོ་མ་ཆུང་ཞིང་དྲི་ཞིམ་པ།།མེ་ཏོག་སེར་པོ་ཟིལ་བ་ཆགས།།རྨ་འབྲས་འཇོམས་པར་བྱེད་པ་ཡིན།།
  དབང་བོ་ལག་པ་ན་ལ་སྐྱེ།།འདབ་མ་ས་འབྱར་སྣུམ་ཞིང་འཇམ།།མེ་ཏོག་དམར་པོ་ལུག་རུ་འཁྱིལ།།ངར་བ་རིལ་མོ་འབྲས་བུ་འཕུངས།།རིང་ཐུང་སོར་བཞི་སོར་ལྔ་ཙམ།།རྩ་བ་བུ་ཆུང་ལག་པ་འདྲ།།ནུས་པས་གྲང་བ་ཆུ་སེརཕན།།རྒས་སྲ་ལུས་སྟོབས་ཁུ་བ་བསྐྱེད།།
ར་མོ་ཤག་ནི་བྲག་སྲུབ་སྐྱེ།།ལོ་མ་སྣུམ་པོ་ལྗང་འདབ་འདྲ།། ངར་བ་ལྡེམ་ཞིང་འབྲས་བུ་དམར།།རིང་ཐུང་ཁྲུ་རེ་མདའ་རེ་ཙམ།། རྩ་བ་རྡོག་འདྲིལ་སྒ་དང་འདྲ།།རྒས་སྲ་ལུས་སྟོབས་ཁུ་བ་བསྐྱེད།།
ཉེ་ཤིང་པ་ནི་གྲམ་ལ་སྐྱེས།།ལོ་མ་ཕྲ་ཞིང་འབྲས་བུ་དམར།།ངར་བ་འཁྱུལ་ཞིང་ཚེར་མ་ཡོད།།རིང་ཐུང་ཁྲུ་རེ་མདའ་རེ་ཙམ།།རྩ་བ་རྡོག་འདྲིལ་རི་སྒོག་འདྲ།།ནུས་པས་གྲང་བ་སེལ་བ་དང༌།།རྒས་སྲ་ལུས་སྟོབས་ཁུ་བ་སྐྱེད།།
ལྕ་བ་བྲག་དང་སྐམ་སར་སྐྱེ།།ལོ་མ་ས་འབྱར་འཁྲུག་འཁྲུག་པོ།།རིང་ཐུང་སོར་བཞི་སོར་ལྔ་ཙམ།།མེ་ཏོག་དཀར་ཞིང་དྲི་མ་ཆེ།།ནུས་པས་གྲང་བ་ཆུ་སེར་དང༌།།བཅུད་ལེན་མཆོག་ཏུ་བཤད་ན།།
ལང་ཐང་རྩེ་ནི་མུ་ལ་སྐྱེ།།ལོ་མ་སྤུ་ཅན་ཆེ་བ་ལ།།ངར་བ་རིལ་མོ་མང་བ་སྟེ།།རིང་ཐུང་ཁྲུ་རེ་མདའ་རེ་ཙམ།།མེ་ཏོག་སྲད་མ་ཅུང་ཟད་འདྲ།།གང་བུ་རིལ་བ་སྤྱི་བླུག་འདྲ།།འབྲས་བུ་ཞིབ་མོ་མཁལ་མ་འདྲ།།སྲིན་ནད་གྲང་བ་སེལ་བར་བྱེད།།
གཟེ་མ་ཞིང་དང་མུ་ལ་སྐྱེ།ངར་བ་ས་འབྱར་ལོ་མ་ཆུང༌།།རིང་ཐུང་མཛུབ་རེ་མཐོ་རེ་ཙམ།།མེ་ཏོག་སེར་ལ་རོ་ནི་མངར།།འབྲས་བུ་ཚེར་མ་ར་མགོ་འདྲ།།མཁལ་ནད་གྲང་བ་ཆུ་སེར་སེལ།།
སྟག་ཆུང་བ་ནི་བྲག་སྲིབས་སྐྱེ།།ལོ་མ་གྱོང་ཞིང་ཚེར་མ་ཅན།།ངར་བ་དྲང་ཞིང་མེ་ཏོག་སེར།རིང་ཐུང་སོར་བཞི་སོར་ལྔ་ཙམ།།རོ་མངར་ཟིལ་བ་ཆགས་པ་སྟེ།།རྩ་བ་གྱོང་ཞིང་མཁྲེགས་པ་ཡིན།།བཅུད་ལེན་རྣམས་ཀྱི་སྨན་མཆོག་ཡིན།།
སུམ་ཅུ་ཏིག་ནི་སྤང་སྲིབས་སྐྱེ།།འདབ་མ་ཕྲ་ཞིང་ངར་བ་དྲང༌།།རིང་ཐུང་སོར་བཞི་སོར་ལྔ་ཙམ།།མེ་ཏོག་སེར་པོ་དྲིལ་བུ་ཁ།།རོ་ཁ་ནུས་པས་བད་སྨུག་སེལ།།བཅུད་ཀྱི་ལེན་གྱི་མཆོག་ཏུ་འགྱུར།།
དྭ་བ་ནགས་ཁྲོད་སྐམ་ལ་སྐྱེ།།ལོ་མ་སྔོ་སྐྱ་སྲུབ་ཀའི་དབྱིབས།།མེ་ཏོག་དྲིལ་བུ་ཁ་བླང་འདྲ།།ངར་བ་རིལ་མོ་ཁྲུ་རེ་ཙམ།།འབྲས་བུ་སེར་སྐྱ་འཕུངས་པ་སྟེ།།རྩ་བ་རྡོག་འདྲིལ་རོ་ནི་ཚ།ནུས་པས་འཁོལ་ཞིང་རྩུབ་པ་སྟེ།།སྲིན་ནད་འཇོམས་ཞིང་རུས་འཛེར་འགོག།
སྨན་མཆོག་རྒྱལ་པོ་བྲག་སྨེན་མཆོག།ཁ་སྨད་བྲག་སྨད་དག་ལ་སྐྱེ།།མེ་ཏོག་དམར་སྐྱ་ཟླ་བ་ཁ།།དགུན་དུས་ལྷག་པར་རྒྱས་པ་ཡིན།།མགོ་བོ་གྲོ་ཡི་སྦུ་གུ་འདྲ།སྡོང་པོ་གཡུ་ཡི་སྡོང་པོ་འདྲ།ལོ་མ་དུང་སོ་མནོལ་བ་འདྲ།།རྩ་བ་བ་ཡི་སུག་པ་འདྲ།།བདུད་རྩི་སྒ་ཏིག་ཅེས་བྱ་སྟེ།།དམུ་ཆུའི་ནད་ལ་བདུད་རྩི་འདྲ།།
ནི་ལོ་ཨུཔལ[ཨུཏྤལ]ཞེས་བྱ་བ།།རྩ་བ་ལྡུམ་ལ་མངར་བ་ཡིན།།མེ་ཏོག་སྔོན་པོ་ཨུཏྤལ་འདྲ།།སྙི་བ་ཞེས་བྱའི་མེ་ཏོག་ཡིན།།
སྔོན་མོ་ཆབ་འདྲེན་གཡའ་སྟོད་སྐྱེ།།མུ་ཡི་སྐམ་ས་དག་ཏུ་སྐྱེ།།གཡའ་ལ་སྐྱེས་པ་སོར་བཞི་ཙམ།།མུ་ལ་སྐྱེས་པ་སོར་དོ་ཙམ།།ལོ་མ་ས་འབྱར་སྲད་ཆུང་འདྲ།།མེ་ཏོག་སྔོ་དམར་པདྨ་འདྲ།།གང་བུ་སྦུར་བའི་སྨད་གོག་འདྲ།།དམུ་ཆུ་འཇོམས་པར་བྱེད་པའི་མཆོག།
ཡུག་དཀར་བ་ནི་ཆུ་འགྲམ་སྐྱེ།།ལོ་མ་འབོལ་ཞིང་ངར་བ་ཕྲ།།རིང་ཐུང་མཁྱུད་རེ་མཛུབ་རེ་ཙམ།།མེ༌ཏོག་དཀར་ཞིང་འབྱར་བག་ཆེ།འབྲས་བུ་སྒོ་རྐང་རྣ་ལྤགས་འདྲ།།རོ་ནི་མངར་ལ་ནུས་པ་ཡིས།།རླུང་གཟེར་ཐམས་ཅད་རབ་ཏུ་འཇོམས།།
བྱ་རྐང་བ་ནི་སྲིབས་ལ་སྐྱེ།།ལོ་མ་ཕྲད་པ་ངར་བ་འཁྱོག།རིང་ཐུང་རྐང་རེ་མཛུབ་རེ་ཙམ།།མེ་ཏོག་ལོ་བཙན་ཅུང་ཟད་འདྲ།།ཚ་གྲང་གཉིས་ཀས་འཁྲུ་གཅོད་ཡིན།།
ཤ་མ་གཡུ་རིལ་ཞེས་ཀྱང་བྱ།།མོན་མོ་སྤོ་སྨན་ཞེས་ཀྱང་བྱ།།གཡའ་རི་སྤང་རིའི་སྤོ་ལ་སྐྱེ།།ལོ་མ་ལྕ་ཆུང་འདྲ་བ་ལ།།མེ་ཏོག་སྔོན་པོ་དྲི་ངད་ཅན།།སྨུ་གུ་ལྡན་ཡོན་ཞེས་ཀྱང་བྱ།།མགོ་རྨ་གསོ་བའི་བདུད་རྩི་སྟེ།།འབྲས་ཀྱི་རྨ་གསོ་སྐྲངས་པ་འདུལ།།
སྔོ་སྨན་སྤྱི་བཞུར་ཞེས་ཀྱང་བྱ།།གསང་བའི་སྨན་གཅིག་ཅེས་ཀྱང་བྱ།།སྔོན་མོ་ཆུ་འདྲེན་ཞེས་ཀྱང་བྱ།།འདབ་མ་པདྨ་བརྩེགས་པ་འདྲ།།མེ་ཏོག་བྱའི་སྒྲོ་གདུང་འདྲ།།རྒས་ནས་རྒོད་སྤོསདཀར་པོར་འགྲོ།ཁུ་བ་བེེཌྰུརྱ་དང་འདྲ།།དམུ་འོར་སྐྱ་རྦབ་ནད་ལ་ཕན།།
གསང་བའི་སྨན་གཅིག་འོད་ལྡན་ནི།།སྡོང་པོ་སོའི་བཅུག་མ་[སེ་བའི་ལྕུག་མ]འདྲ།།ལོ་མ་གླང་མའི་ལོ་མ་འདྲ།།མེ་ཏོག་དམར་པོ་འོད་དུ་ཡེ།ལི་ག་དུར་ཞེས་མཚན་དུ་གསོལ།།ནད་ངན་སྐྱ་རྦབ་འཇོམས་པའི་མཆོག།
བྱི་སྲན་ནག་ཆུང་ཞེས་ཀྱང་བྱ།།གསང་བ་སྔོན་མོ་ཆུ་འདྲེན་ནི།།ལོ་མ་སྲད་ནག་འདྲ་བ་ལ།།མེ་ཏོག་སྲན་མའི་མེ་ཏོག་འདྲ།།འབྲས་བུ་སྲན་ཆུང་ཇི་བཞིན་ནོ།ཚ་གྲང་དམུ་ཆུ་རྒྱུན་ལ་འདྲེན།།
འདིར་མ་འདུས་པའི་སྔོ་སྨན་མེད།།དེས་ན་སྔོ་འབུམ་ཀུན་གྱི་མཆོག།སྨན་གྱི་རྒྱ་མཚོ་ཆེན་པོ་ཡིན།།འདི་ཡི་ནང་ནས་ཆ་ཙམ་གཅིག།ཤེས་ན་ཡོན་ཏན་ཆེན་པོར་འགྱུར།།ཞེས་པའི་སྔོ་འབུམ་མཐོང་འགྲོལ་ཆེན་པོ་འདི།ཡི་དམ་འཕགས་པ་འཇམ་དཔལ་དང༌།།རྗེ་བཙུན་སྒྲོལ་མའི་སྔོ་འབུམ་དང༌།།དྲང་སྲོང་ཆེན་པོའི་གསུང་རྒྱུན་ལ།།བསྟེན་ནས་གཡུ་ཐོག་མགོན་པོས་བསྡེབས།།དགེ་བས་འགྲོ་ཀུན་ནད་སེལ་ཞིང༌།།སྨན་ཀུན་འཛོམས་དང་མན་ངག་འགྱུར།།མངྒལཾ།ཤུལྷཾ།
 
བསམ་གཞིགས།
༡དཔའ་བོ་དཀར་པོ་སྐྱེས་ཡུལ་གང་ཡིན།བོད་དུ་སྐྱེས་སམ།
༢གཞུང་འདིར་རྒྱ་གར་ནག་གི་སྨན་བསྟན་ཡོད་དམ།
༣གཞུང་འདིའི་ནང་ཤེལ་ཕྲེང་སོགས་སུ་མ་བསྟན་པའི་སྨན་ཡོད་དམ།ཅི་ཙམ་ཡོད།
༤ཤེལ་ཕྲེང་དང་གཞུང་འདི་བསྡུར་ན་སྨན་རིགས་གཅིག་ཀྱང་མིང་སོ་སོར་བཏགས་པ་ཡོད་དམ།
༥གཞུང་འདི་སུས་མཛད།འདིར་མ་འདུས་པའི་སྨན་ཡོད་དམ།
༦གཞུང་འདིའི་ནང་བོད་ཡུལ་མ་གཏོགས་རྒྱ་གར་ནག་ཏུ་མི་སྐྱེས་པའི་སྨན་ཡོད་དམ།ཅི་ཙམ་ཡོད།
༧སྔོ་འབུམ་གཞན་དག་དང་བསྡུར་ན་གཞུང་འདིའི་ནང་ཐ་སྙད་གསར་བ་བྱུང་ཡོད་དམ།

Leave a Reply

Be the First to Comment!

Notify of
avatar
wpDiscuz